+Мактабҳо 12-сола мешаванд. Дар ин бора муовини вазири маориф ва илм ба журналистон хабар додааст.

Дар Тоҷикистон мактабҳо 12-сола мешаванд. Дар ин бора муовини вазири маориф ва илми кишвар ба журналистон хабар додааст. Зиёдулло Абдулзода, муовини вазири маориф ва илм гуфтааст, то соли 2030 мактабҳои Тоҷикистон 12-сола шуда, қабул ба синфи 1-ум аз 6-солагӣ оғоз хоҳад ёфт. "Бо назардошти талаботи Стратегияи миллии рушди соҳаи маорифи Тоҷикистон барои давраи то соли 2030 таҳсилот 10-солаи асосӣ ва 12-солаи миёнаи умумӣ мешавад. Қабули хонандагон ба синфи як аз 6-солагӣ пешбинӣ гардидааст", - гуфтааст Зиёдулло Абдулзода Ёдовар мешавем, ки ҳоло мактабҳои Тоҷикистон 11-сола ҳастанд, вале ҷорӣ намудани навгониҳо дар системаи маориф аллакай оғоз ёфта, айни замон низоми нави баҳогузории 10-холаро таҷриба карда истодаанд. Дар назар аст, ки баъди санҷиш он ба низоми маориф ворид карда мешавад.