Сегізінші шақырылған Тараз қалалық мәслихатының кезектен тыс 22-ші сессиясы (22.11.24ж)

Сегізінші шақырылған қалалық мәслихаттың кезектен тыс 22-ші сессиясы өтті. Сессияға қала әкімі Б.Орынбеков, қала прокуроры мен қала бойынша мемлекеттік кірістер басқармасының өкілдері, қала әкімдігінің бөлім және мекеме басшылары мен т.б. қатысты. Сессияның күн тәртібінде 4 мәселе қаралып, оны депутаттар талқыға салды. Ең алдымен, «Тараз қаласында бөлшек салықтың арнаулы салық режимін қолдану кезінде салық мөлшерлемесінің мөлшерін төмендету туралы» қала әкімдігінің кәсіпкерлік және өнеркәсіп бөлімінің басшысы Ж.Рүстембаевтың баяндамасы тыңдалды. Бұған қоса, сессияда «Тараз қаласы әкімдігі жанындағы кәмелетке толмағандардың істері және олардың құқықтарын қорғау жөніндегі комиссияның құрамын бекіту туралы» және «Тараз қалалық аумақтық және учаскелік сайлау комиссияларының құрамын қалыптастыру туралы» т.б. мәселелер қаралды. Күн тәртібіндегі барлық мәселелерге қатысты депутаттар ұсыныс-пікірлерін жеткізіп, ол бойынша тиісті шешімдер қабылданды.