Сегізінші шақырылған Тараз қалалық мәслихатының кезектен тыс 23-ші сессиясы (11.12.24ж)

Қала әкімдігінің мәжіліс залында қалалық мәслихаттың кезектен тыс жиырма үшінші сессиясы өтті. Сессияға қала әкімінің орынбасары Г.Жауынбекова, қала прокурорының, полиция басқармасының және қала бойынша кірістер басқармасының өкілдері, қалалық ардагерлер кеңесінің төрайымы, қала әкімдігінің бөлім басшылары мен мекеме басшылары қатысты. Ең әуелі сессия алдында қалалық сайлау комиссиясының төрағасы У.Байдуанов жаңадан сайланған депутат М.Тұрысбекты таныстырып өтті. Халық қалаулылары әріптесіміздің жаңа қызметіне сәттілік тіледік. Күн тәртібіне сәйкес қала әкімдігінің экономика және бюджеттік жоспарлау бөлімінің басшысы Ж.Ордабаев «2024-2026 жылдарға арналған қалалық бюджет туралы» Тараз қалалық мәслихатының 2023 жылғы 27 желтоқсандағы №11-2 шешіміне өзгерістер енгізу туралы баяндама жасады. Сондай-ақ, «Тараз қаласы әкімдігі жанындағы құқық бұзушылық профилактикасы жөніндегі ведомствоаралық комиссияның құрамын бекіту туралы» және «Білім беру және әлеуметтік мәселелер жөніндегі тұрақты комиссиясының мүшелерін сайлау туралы» Тараз қалалық мәслихатының 2023 жылғы 30 наурыздағы №1-7 шешіміне өзгерістер енгізу туралы т.б. мәселелер қаралды. Халық қалаулылары мәселелерді сессия отырысында жан-жақты талқылап, көпшілік дауыспен қолдап, шешім қабылдады.