Tv Klan - Tragjedi në një familje shqiptare në Francë, një 36-vjeçar vret gruan dhe veten

Një çift shqiptarësh u gjet i pajetë në apartamentin e tyre pasditen e së enjtes në Brest të Francës. Autoritetet franceze njoftuan se bëhet fjalë për një 36-vjeçar dhe bashkëshorten e tij 30 vjeçe, të cilët jetonin me dokumente të rregullta në tokën franceze. Dyshohet se Andon Janaqi, me origjinë nga Korça, ka vrarë me një pushkë gruan e tij Anjeza Zeneli, nënë e dy fëmijëve të mitur dhe më pas i ka dhënë fund jetës. Ishin fqinjët që njoftuan policinë e cila u detyrua të thyente derën për të hyrë brenda. Pranë viktimave u gjet edhe arma që dyshohet se u përdor nga 36-vjeçari. Fëmijët nuk ndodheshin në banesë në momentin e ngjarjes. Prokurori i çështjes tha se gruaja kishte bërë një denoncim ndaj bashkëshortit të saj më 23 tetor të këtij viti për “dhunë psikologjike për shkak të xhelozisë dhe kontrollin shtrëngues nga partneri i saj”. Pas denoncimit gruaja ishte dërguar në një qendër ndihme së bashku me fëmijët, por ishte rikthyer në banesë pak ditë më pas. Tv Klan SUBSCRIBE to “RTV KLAN” on YouTube for more videos! Email: [email protected] Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow Tvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/