Tv Klan - Atentati në Rinas, humb jetën edhe Muçi Shaljani

Katër ditë pas atentatit tipik mafioz në rrethrrotullimin e Rinasit, ndërron jetë në spital edhe Muçi Shaljani, i cili drejtonte makinën që lëvizte Gilmando Danin, i cili mbeti i vrarë në vend nga breshëria e plumbave të armëve të zjarrit. 40-vjeçari mori 10 plumba, një prej të cilëve në kokë, plagë të cilat i shkaktuan vdekjen këtë të shtunë, pavarësisht përpjekjeve të bluzave të bardha të Spitalit të Traumës ku ai ndodhej prej së martës së shkuar. Ndonëse mbeti viktimë e atentatit, Muçi Shaljani nuk ishte objektivi i vrasësve. Hetuesit dyshojnë se shënjestra ishte miku i tij, Gilmando Dani, me të cilin 40-vjeçari Shaljani u qëllua sapo lanë ambientet e aeroportit të Rinasit, pas një vizite disa-ditore në Barcelonë. Arsyet e këtij udhëtimi drejt shtetit spanjoll po verifikohen nga policia dhe prokuroria e Tiranës, e cila deri në këtë fazë është e bindur se vrasja ka si prapavijë përplasjet mes grupeve kriminale ku bënte pjesë objektivi i atentatit, 47-vjeçari Dani. Hetime po kryhen edhe me palën greke, nga ku rezultoi se ishte vjedhur makina tip Toyota e 4 autorëve, së bashku me targat, të cilat u dogjën në fshatin Halil pas ngjarjes. Rreth 5 kilometrash nga ky vend, policia gjeti dhe sekuestroi një arsenal armësh në banesën e 46-vjeçarit Ylli Zalla nga Fushë-Kruja. Ky i fundit u shpall në kërkim, teksa hetuesit nuk përjashtojnë mundësinë që ai të jetë i përfshirë në vrasje, dyshim ky për të cilin po kryhen verifikime. Tv Klan SUBSCRIBE to “RTV KLAN” on YouTube for more videos! Email: [email protected] Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow Tvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/