Դաստակի «թունելային» համախտանիշ

Դաստակի թունելը` դաստակի հիմքում գտնվող նեղ անցուղի է: Նրա հատակը և կողմնային պատերը կազմվում են դաստակի ոսկրերից, իսկ վերևից`շարակցական հյուսվածքի խրձով, որի անվանումն է դաստակի լայնակի կապան: Թունելի միջով անցնում են մկանային ջլերը և միջային նյարդը: Նա վերահսկում է ձեռքի ափի և բութ մատի մկանների կծկումը: Այդ նյարդը նաև ապահովում է բութ մատի և նրա կողքի 2,5 մատերի զգայունությունը: Դաստակի «թունելային» համախտանիշը զարգանում է երբ թունելի այտուցված հյուսվածքը առաջացնում է իր միջով անցնող նյարդի սեղմում: Նյարդի երկարատև սեղման արդյունքում ի հայտ են գալիս հետևյալ ախտանիշները. • ցավ • թմրածություն • ծակծկոց • թուլություն: Դաստակի «թունելային» համախտանիշի զարգացման ռիսկի գործոներն են.  թունելի փոքր և նեղ չափսերը, որոնք սովորաբար, նկատվում են կանանց մոտ, և ունեն ժառանգական բնույթ,  դաստակի վնասվածք,  այլ բժշկական վիճակներ, որոնք առաջացնում են բորբոքում, հեղուկի կուտակում կամ նյարդի վնասվածք. • շաքարային դիաբետ • հղիություն • ռևմատոիդ արթրիտ • ճարպակալում • հիպոթիրեոզ ձեռքի դաստակի/ձեռքի թաթի կրկնվող շարժումներ: Դաստակի թեթև և միջին ծանրության թունելային համախտանիշի բուժման ձևերից է` հատուկ ֆիքսող վիրակապի կրումը, որի շնորհիվ դաստակը ֆիքսվում է չեզոք դիրքում: Ոչ ստերոիդ հակաբորբոքային դեղամիջոցների օգտագործումը թեթևացնում է ցավային համախտանիշը: Այտուցը և բորբոքումը նվազեցնելու համար խորհուրդ է տրվում նաև դաստակի շրջանում կորտիկոստերոիդների ներարկում: Ախտանիշների միջին և ծանր աստիճանի ժամանակ խորհուրդ է տրվում վիրահատական բուժում, որը կարող է իրականացվել ինչպես բաց` դաստակի կամ ձեռքի ափի կտրվածքի ուղեկցությամբ, այնպես էլ էնդոսկոպիկ միջամտություն`ոչ մեծ կտրվածքի միջոցով: Էնդոսկոպիկ գործողությունը իրականացվում է էնդոսկոպի միջոցով, որի վրա տեղադրած է փոքր տեսախցիկ, որի հսկողության տակ կատարվում է միջամտությունը։ Երկու դեպքերում էլ կատարվում է դաստակի լայնակի կապանի կտրվածք միջային նյարդի վրա ճնշման թուլացման նպատակով: Միջամտությունից հետո կտրվածքը կարվում է և դրվում է ստերիլ վիրակապ: http://erebouni.am/arm/department/95/...