Top Channel/ Studentëve u “humbin” notat! Rreziqet nga problemet në sistemin digjital

Me digjitalizimin tashmë regjistrat fizikë janë jashtë mode. Ashtu si në arsimin parauniversitar, edhe arsimi i lartë përdor sistem informatik për regjistrimin në provime apo për listën e notave. Studentët e Universitetit të Tiranës logohen përmes kredencialeve në e-albania në sistemin e-student. Por sidomos gjatë sezonit të testimeve, të rinjtë shfaqin shqetësimin mbi problemet teknike të këtij database digjital që jo gjithmonë ju njeh rezultatet e provimeve. Në emër të vitit të dytë në Fakultetin e Gazetarisë, studentja e ekselencës Keisi Topi tregon ankesat që i shpreh grupi i saj. “Disa studentë, të paktën të klasës sime, janë akoma në dilemë për disa provime të vitit të parë sepse nuk e dinë akoma çfarë notash kanë marr. Praktikisht ata janë në vit të dytë, por sistemi nga ana teknologjike çalon sepse nuk nxjerr notat. E kemi dhënë provimin, jemi të regjistruar, pedagogu e ka bërë punën me korrigjimin e ka dhënë vlerësimin, por sistemi nuk nxjerr notën. Në këtë moment studentët vijnë ankohen te unë se jam koordinatorja e duhet të adresoj problemin diku tjetër, se nuk dinë çfarë të bëjnë. A duhet ta përsërisin provimin?”, shprehet ajo. Keisi shpjegon se e ka raportuar problematikën e sistemit e-student në disa hallka zinxhir, por që nuk ka gjetur zgjidhje: “Si fillim e shpreh te pedagogu, e konfirmon që notën e ka hedhur në sistem dhe nuk ka çfarë bën tjetër. Shkoj te sekretaria pyes e më kthen përgjigjen e saj për kompetencat që ka kryer ok procedurat, ka bërë regjistrimet. Pra në këtë situatë nuk është përgjegjësia e askujt, vec një problem teknik i sistemit që nuk dimë si ta zgjidhim”. Metoda e vetme funksionale në këtë institucion arsimor publik është sistemi e-student. Ndaj nëpërmjet Top Channel, studentët shpresojnë të marrin fund paqartësitë mbi pasqyrimin e mangët të notave në të gjithë provimet që kanë dhënë. “Ne notën mund ta marrim edhe gojarisht por nuk vlen, për shkak se duhet të kalojë nota në sistem e lënda quhet e mbyllur. Nuk ka një regjistër fizik, është e vetmja mënyrë për të ditur mesataren. Kërkoj që për sa kohë sistemi ekziston dhe është metodë praktike për studentët, këto vështirësitë teknike të rregullohen”, thotë studentja. Duke vlerësuar lehtësitë e pasjes së një regjistri digjital, studentët kërkojnë zgjidhjen e problemeve teknike që ju rrezikon edhe përfundimin e vitit studimor. Departamenti i Informacionit, më i madhi, më kryesori në Top Channel, i cili shënoi fillimin e televizionit me edicionin e lajmeve në 20 dhjetor 2001. Përmes informacioneve të shpejta, të sakta dhe të thelluara, reportazheve dhe rubrikave të tjera informative, Top Channel është kthyer në burimin kryesor dhe me prestigjioz të informimit të të gjithëve në Shqipëri, në hapësirën mbarëshqiptare dhe kudo tjetër në botë ku shqiptarët jetojnë. Top Channel është i pranishëm me kamerat dhe gazetarët e tij në të gjitha ngjarjet më të rëndësishme të vendit dhe në botë, me edicionet e tij informative. Për më shumë vizitoni: http://top-channel.tv/ Subscribe to "Top Channel" on YouTube Channel for NEWS and TV Shows HERE: http://bit.ly/2Y15KwK For more content from click HERE: www.top-channel.tv Like Top Channel on Facebook HERE: http://bit.ly/2FglWTs Follow Top Channel on Instagram HERE: http://bit.ly/2uaYG2U Follow Top Channel on Twitter HERE: http://bit.ly/2TJndeH #TopChannelNews