Jorgaq Kaçani për akreditimin e diplomave: E nevojshme për njohjen jashtë-(4 Nëntor 2009)

Lajme Arkiva 2009 Te gjitha universitetet shtetërore dhe private duhet t’i nënshtrohen procesit te akreditimit. Ne rast se universitetet nuk e bëjnë këtë, atëherë, studentet rrezikojnë te marrin diploma te cilat nuk mund te njihen jashtë vendit. Jorgaq Kaçani: “Akreditimi i universiteteve, qofshin këto publike apo private është një detyrim ligjor që buron nga vetë ligji i arsimit të lartë dhe duhet brenda 2 deri në 3 vjet, pra ky si vit akademik është viti i fundit që duhet të bëhet akreditimi i institucioneve të arsimit të lartë. Vetë kërkesat do të jenë të tilla që asnjëri nuk do ta ndjekë një universitet të pa akredituar pasi mos akreditimi i tij do të thotë të marrësh një diplomë, e cila është e pa akredituar. Normalisht një akreditim një diplomë e cila nuk gëzon besueshmërinë e kësaj diplome konform normave dhe standardeve kombëtare dhe ndërkombëtare”. Sipas rektorit te universitetit politeknik Jorgaq Kaçani ne muajin Dhjetor do te mbaroje vetëvlerësimi institucional, dhe me tej do te mendohet për procesin e akreditimit. Jorgaq Kaçani: “Universiteti Politeknik i Tiranës në sajë të programit që ka hartuar ka përfunduar hartimin e standardeve shtetërore për vlerësimin e cilësisë në institucionet e arsimit të lartë dhe plotësojmë të gjithë kuadrin ligjor të standardeve të vlerësimit të cilësisë në arsimin e lartë dhe pas kësaj ju thashë do të kalojmë dhe brenda vitit akademik 2009-2010 ne do të kemi të plotë akreditimin e Universitetit Politeknik të Tiranës”. Universiteti i Tiranës e ka filluar procesin e akreditimit, dhe kjo po realizohet nga një agjenci e huaj. Sipas ligjit, çdo universitet mund te zgjedhe një kompani te huaj te specializuar për te bere akreditimin, ose ky proces mund te kryhet nga agjencia shtetërore e akreditimit te arsimit te larte./tvklan.al SUBSCRIBE to “RTV KLAN” on YouTube for more videos! Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow rtvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/