Yosh rahbarlar yo‘l qo‘yadigan xatolar va ularning yechimi | Xurshidbek O‘roqov | Ko‘mak loyihasi

Ushbu videoda yurtimizdagi eng muvaffaqiyatli o‘quv markazlaridan biri - "Everest" o‘quv markazi asoschisi Xurshidbek O‘roqov o‘zining ko‘p yillik tajribalari bilan o‘rtoqlashadi. "Ko‘mak" loyihasi doirasida o‘z tadbirkorligini boshlayotgan yosh rahbarlar o‘zlarini qiynayotgan savollarga bevosita Ustozdan javob olishdi. Tajribaga asoslangan ushbu tavsiyalar yangi boshlayotgan tashabbuskorlar uchun haqiqiy yo‘l xaritasi bo‘lib xizmat qiladi. Videoda quyidagi mavzular yoritilgan:  ✅ O‘quv markazi ochishdagi dastlabki qiyinchiliklar; ✅ Jamoani shakllantirish va boshqarish sirlari; ✅ Ta’lim sifatini saqlab qolgan holda biznesni kengaytirish; ✅ Yosh rahbarlar duch keladigan asosiy muammolar va ularning yechimi. Loyiha haqida:  “Ko‘mak” - chekka hududlardagi yoshlarning orzulari va imkoniyatlar o‘rtasidagi masofani qisqartiruvchi ko‘prikdir. Loyiha doirasida olis va chekka hududlarda xorijiy til o‘quv markazlarini ochish yoki rivojlantirish uchun 130 mln so‘mgacha foizsiz ssuda ajratiladi. Biz yosh tadbirkorlarga nafaqat moliyaviy, balki intellektual yordam berishni ham maqsad qilganmiz. Ko‘mak - orzularga qanot beramiz!