O‘quvchini ustozga emas, brendga bog‘lash sirlari | Abdurahim Jalilov | MySchool

Ushbu videoda 11 yildan buyon ta’lim sohasida muvaffaqiyatli faoliyat yuritib kelayotgan "MySchool" o‘quv markazlari tarmog‘i asoschisi va O‘zbekistondagi TOEFL exam center vakili – Abdurahim Jalilov o‘z tajribasi bilan o‘rtoqlashadi. Suhbat davomida o‘qituvchilikdan tadbirkorlikka o‘tish bosqichlari, 13 ta filialni boshqarishdagi qiyinchiliklar va o‘quv markazi biznesining aslida qanday ishlashi haqida so‘z boradi. Tajribaga asoslangan ushbu tavsiyalar sohada yangi qadam tashlayotganlar uchun amaliy qo‘llanma bo‘lishi shubhasiz. Videoda quyidagi mavzular yoritilgan:  ✅ O‘quv markazini g‘oyadan 13 ta filialgacha kengaytirish va 130 mln so‘m budjet bilan ish boshlash; ✅ Eng katta muammo yechimi – o‘quvchilarni ustoz shaxsiga emas, brendga bog‘lash sirlari; ✅ 11 yillik faoliyatdagi xatolar va ta’lim biznesining aslida qanday ishlashi haqida xulosalar. Loyiha haqida: “Ko‘mak” – chekka hududlardagi yoshlarning orzulari va imkoniyatlar o‘rtasidagi masofani qisqartiruvchi ko‘prikdir. Loyiha doirasida olis va chekka hududlarda xorijiy til o‘quv markazlarini ochish yoki rivojlantirish uchun 130 mln so‘mgacha foizsiz ssuda ajratiladi. Biz yosh tadbirkorlarga nafaqat moliyaviy, balki intellektual yordam berishni ham maqsad qilganmiz. Ko‘mak - orzularga qanot beramiz!