شاءَ الحُسين | الملا جهاد الحداد | محرم 1448 هـ

[ شاء الحسين ] • الملا #جهاد_الحداد    • شاءَ الحُسين | الملا جهاد الحداد | محرم 14...   • كلمات #أحمد_الناصر • مخطوطة #سيد_حيدر_البراهيم • مونتاج #علي_الاكبر • ⁠مونتاج #إبراهيم_عماد • ⁠ترجمة #عمار_شاكر • شكر خاص لكل من ساهم في هذا العمل الليلة الخامسة من محرم الحرام 1448 هـ - 2026 م اتجيني الكلمه من وين و أوصف هذا الإحساس ألقى ايميني لحسين و ألقى ايساري عباس خذ ايدي بيده وداني صحنه لمّن سألته أعطاني جنه ———————————- شنو اتمنى بعد وصلت لجنته و شفت معنى الحياه في لمعة گبته طلبته اجيله ضيف و حسبني بعيلته مسح قلبي وصرت امن اهالي خيمته دخلت الحضره و اگبالي أبو الأكبر و عطْر الحضره جايب ريحة المنحر اثيابي السود چنها السندس الأخضر هالمره الضريح اگبالي مو منبر اتذبني الحاجه و آطيح و توقف لي المناره كل أيامي يا ريت أيام الزياره حاجاتي و آنه يَمّه قعدنا لمن سألته اعطاني جنه ———————————- انحرق قلبي عليه من الشوق امتلى ما ظل بيه مكان الا لكربلا شكثر صحت و دعيت اريدن اوصله شكثر محتاج اجيه و ضريحه أقبّله نويت ازيارته و العندي بس نيّه ابو اليمه اللي شال الباقي اعليه شعور اللي لزمني ايدينه بايديه الا و آنه بالجنه الحسينيه قلت اوصل للحسين و قالوا هذي صعبه قلبي نادى : زهراء ، الا اگبالي گبه هناك التقينا أبو ويّه إبنه لمن سألته أعطاني جنه —————————————- ترد بيّه الحياه شما جدمي قرب المشي بس للحُسين راحه امن اتعب شكرًا يا حبيب بكثر صوتي الـ نَحَب ( سجلني يا حبيب ) و هالمره انكتب حزمت ادموعي و لطف كربلا شايل درر منثوره ينزل دمعي السايل عِطشت احسين و اتكفلني الكافل شربت الماي من جربة أبوفاضل الرايه الحمره بيدي قصدي احسين و طفه اتعب و ألقى عباس مادد ليّه جفه جربةْ بو فاضل كلها محَنّه لمن سالته أعطاني جنه —————————————— قبل عام احتضر للرايح كربلاء يغص قلبي امن اقول ( نسألكم الدعاء ) عطيته دمعتي و رد ليٌه العطاء ما شاءت الظروف بس ( الحُسينَ شاء ) بين الحرمين ايساري و ايميني : لقيت الشايلين أيامي و اسنيني نـور الگبتين اتلامَـع ابعيني دعيت الله اعلى هالقعده يخليني اتنفس هوا احسين و بيّه الريّه تفرح استشعر إدينه چنها بصدري تمسح في صحنه نفسي تظل مُطمئنه لمن سألته اعطاني جنه ———————————————- اليوصل للحسين وصل حصن الأمان بس الله ايعرف شعوره بهالمكان شيء واحد عذاب : هلكني و موتي چان في لحظات الوداع الخروج امن الجنان اقعدت يمه و شكرت الله اعلى هالنعمه الزمت شباچه و الخاطر بقى يكلمه ( إلهي ان چان ماردن لبو اليمه ) ( أخذ روحي بغيابه الموت إلي رحمه ) قلبي خايف اهواي ، من هالجنه اطلع يا رب نسأل العود ، يارب كل سنه ارجع شباچه رايد أرجع احضنه لمن سالته أعطاني جنه ———————————————- أحمد حسين الناصر 1448 هـ