Iqtisodiyot va pedagogika universiteti talabalaridan yana bir faxrli yutuq!

Iqtisodiyot va pedagogika universiteti talabalaridan yana bir faxrli yutuq! Iqtisodiyot va pedagogika universitetining Boshlang‘ich ta’lim yo‘nalishi 4-bosqichini muvaffaqiyatli tamomlagan Hayitova Dilafruz Abdimo’minovna o‘zining navbatdagi yuksak yutug‘i bilan universitet jamoasi va ustozlarini faxrlantirdi. Ijodga bo‘lgan cheksiz muhabbati va qalb kechinmalarini o‘zida mujassam etgan “Qalamimdan to‘kilgan dardlarim” nomli kitobi nashrdan chiqib, kitobxonlar e’tiboriga havola etildi. Ushbu kitob yosh ijodkoraning ichki dunyosi, hayotiy qarashlari va samimiy tuyg‘ularining badiiy ifodasidir. Bundan tashqari, Dilafruz Hayitova adabiyot va ma’naviyat rivojiga qo‘shayotgan munosib hissasi uchun Abdulhamid Cho‘lpon ko‘krak nishoni bilan taqdirlangan. Bu yutuq uning mehnatsevarligi, iste’dodi va ijodiy salohiyatining yana bir yorqin e’tirofidir. Iqtisodiyot va pedagogika universiteti jamoasi Dilafruz Hayitova erishgan ushbu muvaffaqiyat bilan chin dildan tabriklaydi. Kelgusida ham ilm-fan, ta’lim va ijod sohalarida yanada ulkan zafarlar, yangi kitoblar va yuksak marralarni zabt etishini tilab qolamiz. Yoshlarning bunday yutuqlari universitetimiz nufuzi va salohiyatining yana bir yorqin ifodasidir.