الرادود حمزة الزغير الكربلائي - رقم ١٩ - زينب تناديك يصبي عيني / مع الكلمات

قصائد حسينية مع الكلمات قصيدة : زينب تناديك يصبي عيني أداء : الرادود المرحوم الحاج حمزة الزغير الكربلائي كلمات : الشاعر المرحوم الشيخ إبراهيم الشيخ حسون الهنداوي زينب تناديك يصبي عيني حسين يبن ٱمي ٱگعد و حاچيني ب ١ يا بدر سعدي الغرب عني و راح و يا صبي عيني الهوه و عالأرض طاح ليل و ٱظلم عگبك عليّ الصباح و صار حايل بينك و ما بيني ب ٢ حال بيني و بينك و لا بعد ٱشوف يا مراري و ضيعتي بوادي الطفوف سلب و فراگ و مذله و عده و خوف بعد دهري شرايد يراويني ب ٣ حسين خويه حسين خويه يا حسين آنه زينب وين عني صرت وين إن چان فارگ بيني و بينك البين إنسبت يا والي لهلي يوديني ب ٤ حسين يبن ٱمي الما خاب النخاك ماني ٱختك خايفه و لذت بحماك بالثدي الطاهر الغذاني وياك لا تصد عن نخوتي و تچفيني ب ٥ يبن ٱبويه حسين يالمالك مثال تظن منك ينگطع ظني محال شلون ٱصدگ تظل نايم عالرمال و حايره بطف كربله تخليني ب ٦ حسين يا غوث الصريخ اليعتنيك شلون كل هذا العتب ما يمضي بيك ماني ٱختك يبن ٱبويه و جيت ليك بيك ٱحشم و الهضم عاليني ب ٧ جيت ٱحشم بيك و ٱعتب و ٱعتذر حاسره فريت ليك من الخدر ردتك بحالي و مصابي تختبر بلچي عندك راي اللي تهديني ب ٨ تحشم و تنخه و تچثر بالعتاب و ترد تصغي و تنتظر رد الجواب خايفه نادته بلوعه و ظنهه خاب ترضه يحسين العده توليني ب ٩ مشت للحومه و گلبهه من الهموم مصدع و من خوفهه تطيح و تگوم و لا وحيد من هلي يحصل اليوم يبن ٱبويه بجسمك يدليني ب ١٠ صدت بدهشه و لگت ذيچ الجسوم و شافته مثل البدر بين النجوم مخضب بدمه و صاحت يمظلوم ريت عميه و لا تشوفك عيني ب ١١ شلون ٱشوفك بالسيوف مخذميك و لا كتر من جرح سالم ظال بيك جسمك بهالحال وانه ٱعتب عليك و ٱرتجيك من العده تحاميني ب ١٢ العذر لله و ليك من هذا العتب و ٱدري تعذر لو گلتلك بالسبب سلبونه خلافك و عزنه ٱنهب وانه خدري بشيمتك تدريني ب ١٣ راح ٱرد للخيم لاچن يا خيم أحرگوهه و خدري بنار ٱنضرم هايمه فرت ٱطفالك و الحرم و من ٱرد ليهه العده تسبيني ب ١٤ راح ٱرد و ٱعتذر منك يالچفيل و لو خله و ما يطاوعني الدليل شلون بالنسوان لو چلچل الليل بيهه من يتوزم و يكفيني ب ١٥ راح ٱرد و ردتي لوعه و عذاب شحالهه الوليانهه فوگ التراب شلون بام چلثوم و سكينه و رباب و من ٱرد ليهه العده تسبيني ❌ عيون عبره عله الدرب تربيني ✔ ب ١٦ راح ٱرد يحسين لا ما راح ٱرد غير موتي وياك ما يشفي الچبد آه لو يحصل لعد جسمك لحد وياك چان بلحدك تواريني