الرادود حمزة الزغير الكربلائي ( رقم ٣٨ ) جابر يجابر ما دريت بكربله اشصار / مع الكلمات

الرادود حمزة الزغير الكربلائي ( رقم ٣٨ ) قصيدة گعدة المستهل : جابر يجابر ما دريت بكربله ٱشصار من شبو النار و الحرم شاطت للمعاره تريد ٱهاليهه ب ١ ما تساعدني يجابر عله مصاب اللي دهاني و تنظر السهم الشماته شلون صك عيني و عماني و تنظر الگوس المگدر چم سهم ماضي رماني وانه عله فراش الولم كل ساعه و ٱنصاب بسهم الله من صوت الحرم مثل سبيتهه سباني جابر يجابر و الدهر ما أنصف و جار من شبو النار و نار اليوجرهه الدهر گلي شيطفيهه ب ٢ كربله ثگلت عويل الحرم و تثگل عويلك و شفرة الگطعت دليلي بيهه يتگطع دليلك و المصاب الهدم حيلي ينهدم من صبره حيلك طيحة علمنه عله النهر كسرت من حسين الظهر لو ردت توضیح الخبر إنشد الشاطي يحچيلك جابر يجابر من علمنه عله النهر طاح ذاك الخدر راح و الحرم حست باليسر و بفگد واليهه ب ٣ حين طاح العلم من الگطعو يساره و يمينه أهجس بعيني تفرس سهم التفرس بعينه ناس تنهب ناس تحرگ غدت و شلون ٱنسبينه و الله يجابر ما سدت هيچي مصيبه و لا جرت ما تدري بالگوم شگصت حرگو خيمنه علينه جابر شسولفلك تراني تمرد ٱحشاي حن و ٱنحب وياي و لا تنسه غربة زينب و حنهه و بواچيهه ب ٤ و الحرگ چبدي و مردني و خله بيه النار تسعر من علَي ردت عمامي من المعاره بجسم الاكبر سابح بدم الشهاده و بمعانيهه تعفر و من لفت ليله تودعه شافت ولدهه و مصرعه سباح گلبي تگطعه من تصيح الله أكبر جابر يجابر ما تساعدني عله النوح و تضمد جروح ليله الغريبه الفاجده الأكبر نواسيهه ب ٥ و الطوه ضلوعي و حناهه فگد عريس الهواشم و علگت روحي بوريدي آ يحسرة عرس جاسم زفته طيور الشهاده و حنته دموم المچارم و رمله لولدهه شافته متخضب بدم رگبته مبارك يجاسم نادته و ٱفجعت گلب الفواطم خل عينك و عيني يجابر تهمل دموم خلينه هاليوم إيدي و إيدك من دمه الجاسم نحنيهه ب ٦ شاهدت للطفل حاله و ظل عليهه الجفن دامي يرفس برجليه و إيده مطوگ بسهم المرامي افغرت من العطش روحه و مات بيد حسين ظامي صوب دليلي حرمله للطفل عطشان چتله و عيوني ظلت هامله و أثر بچبدي ضرامي مالوم چبدي و كربله علة المالوم حرمتني النوم أحا ينبلة حرمله گلبي ٱنگطع بيهه ب ٧ عله فراش الولم مرمي و النوايب يجلبني لاچن بشوفة حسين تهيد روحي و يخف وني ساعه لن سهم المثلث صاب ٱبويه و گطع ظني الله و صواب الحجر چتفني بحبال الدهر للجامعه بجيدي أثر و السلاسل مرمرني من گال زينب تنسبي و توگف بديوان من الدهر خان للكوفه و الشامات عگب الخدر سابيهه للشاعر المرحوم الحاج كاظم المنظور الكربلائي