ඔබ නොවන ඔබ - BURWOOD, Victoria

ධර්ම භේරී සදහම් චාරිකාව Victoria , Australia අසරණ මනු සිත් සනසා ලන්නට බුදුපිය රැකවරණය ගෙන දෙන්නට ගුරු හිමි වැඩියා දම් පැන් දෙන්නට හිමිගේ දසුනත් ඇත සැනසෙන්නට ගිනි ගත් සිත් වෙත මෙත පැතිරෙවුනා අවිදුවෙ ඝන කම අඩුකර දෙවුනා මෙතෙක් නොදුටු මොක්පුර මග පෙනුනා සැනසුම වෙත මහ පිරිසක් හැරුනා අනන්ත සසරක දුක් කඳ උහුලමින්, ආශ්වාදයට මුලා වෙමින්, නොනවතින ගින්නක සැරිසැරූ අප සියලුදෙනාට, අති දුර්ලබව ලැබෙන, අනර්ගතම අවස්තාවක් ලැබීමට හේතු සැකසී මෙල්බර්න් නගරයට ශ්‍රී සත්ධර්මයේ සිසිල ලබා ගැනීම සඳහා මහඟු අවස්ථාවක් උදාවිය. මේ ලැබුනු මහා භාග්‍යවත් අවස්ථාව මග නොහරිමින්, සසර සරණ වැඩපිළිවෙල මඳකට නවතා ශ්‍රී සත්ධර්මය ශ්‍රවණය කල ඔබ සැමටත්, තම ජීවිතය, ශ්‍රමය කැපකරමින් තවත් සිත් නිවීමට ධර්ම දානය සඳහා සියලු සංවිදාන කටයුතු සිදුකල ඔබ සැමටත්, ආර්‍ය මහා සංඝ රත්නය වන්දනා කිරීමෙන්, ආර්‍ය මහා සංඝ රත්නය කෙරෙහි පැහැදුනු සිත් ඇතිකර ගැනීමෙන්, ශ්‍රී සත්ධර්මය ශ්‍රවණය කිරීමෙන්, ඒ සඳහා පහසුව සැලසීමෙන්, සියලුදෙනාට රාත්‍රී ආහාරය ලබාදීමෙන් රැස්කර ගත්තාවූ අනන්ත අප්‍රමාණ පුන්‍ය කුසල ශක්තිය ඔබ සියලුදෙනාට නිබ්බාන පරම සුඛයෙන් සුකිතතර වීම පිණිසම, සියලු බාදක දුරුවෙම්න් නිවන්මග වැඩීමට අවශ්‍ය පරිසරයද සකස්වීම පිණිසම හේතුවාසනා වේවා!!! අමිල නිර්වාණයට මග පෙන්වමින්, මෙතෙක් අවිද්‍යාව පෙන්වූ මාර්ගයේ දෝසය පෙන්වා දෙමින්, ප්‍රඥ්ඥාවට මග විවර කරදුන් ගුරු හිමිපාණන් වහන්සේ වන පූජ්‍ය හඳපාන්ගොඩ නිවාතාප හිමි ප්‍රමුඛව, පූජ්‍ය මල්වතුහිරිපිටියේ ධාරණ දස්ස හිමිටත්, පූජ්‍ය අතුරුගිරියේ ආචාර්ය මහින්ද හිමිටත්, මේ රැස්කරගත්තාවූ අප්‍රමාණ පුන්‍ය කුසල ගංගාවෝ පාදනමස්කාරයෙන් යුතුව කෘතගුණ පූර්වකව, නිවන් පූර්නය පිණිසම අනුමෝදමි කරන්නෙමු, අනුමෝදම් වේවා!!!