බොරම්බොලා නේවාසික භාවනා වැඩසටහන | ධර්ම භේරී සදහම් චාරිකාව

ආරාමයක සැනසුම අප සැම        වින්දා සදහම් සිසිල සැම සිත් සනහනු ලැබුවා මායා පටල බිඳිනට සැම වෙර    නැගුවා කෙලෙස් කහට බිඳ බිඳ හෝ   ගැලවූවා අරි සඟරුවනෙ කරුණා මෙත විහිදෙවුනා යථාදහම සැම සිත් වෙත දිග         හැරුනා සාසන මඟේ අපමණ පිං කෙත්      ඇරුනා පින පුරවා කුසලය වෙත සිත්         නැගුවා පුරා දින 5ක කාලයක් තුල ලෝක ක්‍රියාකාරකම් වලින් මිදී සිත නිවන වෙතම යොමු කරමින් දසසිල් සමාදන්ව ප්‍රතිපදාව තුල හික්මෙන්නට ඔස්ට්‍රේලියාවේ අප සියලුදෙනාට ලැබුනු මාහැඟි අවස්ථාව, අප සිත් පින කුසලය තුලම දෝලනය කරමින් නිවන් මග තුල ඉදිරියට පිය නගමින් ගෙවීගියේය. පුරා දින 5ක කාලයක් ගුරු හාමුදුරුවන් වහන්සේ ප්‍රමුකව, පූජ්‍ය මල්වතුහිරිපිටියේ ධාරණ දස්ස හිමිත්, පූජ්‍ය අතුරුගිරියේ ආචාර්ය මහින්ද හිමිත්, යන කල්‍යාණම්ත්‍රයන් වහන්සේලාගේ සමීපයේ සිටිමින් අවවාද අනුසාසනා ලබමින් ප්‍රතිපදාව තුල හික්මෙමින්, සීල ගුණය වඩමින්, මනසිකාර කරමින්, මහා සංඝ රත්නයට ඇප උපස්ථාන කරමින්, බුද්ධ ප්‍රමුඛ මහා සංඝ රත්නයට දන් පැන් පූජා කරමින් පුන්‍ය උල්පත් නගමින් රැස්කරගත්තාවූ පුන්‍ය ගංගා කුසල ගංගා අප සියලුදෙනාට මිදී සැනසී නිර්වාණ පරම සුඛයෙන් සුකිතතර වීම පිණිසම හේතුවාසනා වේවා !!! අමිල නිර්වාණයට මග පෙන්වමින්, අවිද්‍යා අන්ධකාරය දුරුකර ගැනීම පිණිස යුධ වදින්නට බුදු පිරිසට එක්වන මග විවරකර දුන් ගුරු හිමිපාණන් වහන්සේ වන පූජ්‍ය හඳපාන්ගොඩ නිවාතාප හිමි ප්‍රමුඛව, පූජ්‍ය මල්වතුහිරිපිටියේ ධාරණ දස්ස හිමිටත්, පූජ්‍ය අතුරුගිරියේ ආචාර්ය මහින්ද හිමිටත්,  මේ රැස්කරගත්තාවූ අප්‍රමාණ පුන්‍ය කුසල ගංගාවෝ පාදනමස්කාරයෙන් යුතුව කෘතගුණ පූර්වකව, නිවන් පූර්නය පිණිසම අනුමෝදමි කරන්නෙමු, අනුමෝදම් වේවා!!!...