တရုတ်နှင့် အိန္ဒိယကြားက ကစားစရာအရုပ်ဖြစ်နေသည့် မင်းအောင်လှိုင် (ရုပ်/သံ)

အကယ်၍သာ အရှေ့မြောက်၌ သေနတ်သံပြန်ထွက်ပါက စစ်ရေးအခြေအနေသည် ချက်ချင်းပြောင်းလဲသွားပြီး မင်းအောင်လှိုင်စစ်အုပ်စုသည် စစ်ရေးအကျပ်အတည်းကို ချက်ချင်းပြန်လည်ကြုံတွေ့ရမည်ဖြစ်၏။ သို့ဖြစ်ရာ ကစားနိုင်စွမ်းအားသည် တရုတ်လက်ထဲတွင်သာရှိပြီး မင်းအောင်လှိုင်လက်ထဲ၌ မရှိသည်ကို ရှင်းလင်းစွာ မြင်တွေ့နိုင်သည်။ ထို့ပြင် ကမ္ဘာတွင် တတိယမြောက်ထွက်ရှိသည့် မြန်မာ့မြေရှားသတ္တုမှာလည်း တရုတ်နယ်စပ်တလျှောက် တိုင်းရင်းသားလက်နက်ကိုင်တပ်ဖွဲ့များ ထိန်းချုပ်ရာဒေသများတွင်သာရှိရာ မြန်မာစစ်တပ် ထိန်းချုပ်နိုင်ခြင်းမရှိပေ။ အင်အားသုံး၍ ထိန်းချုပ်ရန် ကြိုးစားခဲ့ပါကလည်း တရုတ်နယ်စပ်တွင်ဖြစ်၍ တရုတ်သဘောထားကို မျက်ကွယ်ပြု၍ မရနိုင်ရာ မြေရှားသတ္တုသည်လည်း စစ်အုပ်စုကစားနိုင်သည့် ဂျိုကာတဖဲ မဟုတ်ခဲ့ပေ။ ဤသို့သော အခြေအနေအောက်တွင် စစ်တပ်လော်ဘီများနှင့် နိုင်ငံရေးဇာတ်ပျက်များက အံ့မခမ်းချီးမွမ်းခန်းများ ဖွင့်နေကြသကဲ့သို့ မင်းအောင်လှိုင်အစိုးရသည် တရုတ်နှင့် အိန္ဒိယနိုင်ငံကြီး နှစ်ခုကြား ကစားနိုင်စွမ်းရှိသည်ဆိုနေကြခြင်းသည် အပေါစားပျက်လုံးတခုသဖွယ်ဖြစ်ပြီး အရူးဘုံမြှောက် ပြုလုပ်နေခြင်းသာ ဖြစ်ပေလိမ့်မည်။ လက်တွေ့တွင် မင်းအောင်လှိုင်စစ်အုပ်စုသည် တရုတ်နှင့် အိန္ဒိယ နိုင်ငံကြီးနှစ်ခုကို ကစားနိုင်စွမ်း မရှိသည်သာမက တရုတ်နှင့် အိန္ဒိယနိုင်ငံကြီးနှစ်ခု၏ ကစားစရာအရုပ်သာ ဖြစ်နေသည်ကို ရှင်းလင်းစွာ တွေ့မြင်နေရပေသည်။ #မြန်မာ #ဧရာဝတီ #တရုတ် #အိန္ဒိယ #မင်းအောင်လှိုင် #နိုင်ငံရေး #WhatsHappensInMyanmar ဧရာဝတီရဲ့ YouTube membership ကို Support လုပ်ချင်တဲ့ပရိတ်သတ်တွေအနေနဲ့ ဒီ    / @irrawaddynews1993   Link လေးမှ join buttom ကို နှိပ်ပြီးတော့ ပါဝင်နိုင်ပါပြီ။ စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။ Support The Irrawaddy: https://www.irrawaddy.com/donation