16.06.2026 Նարադա Գևորգյան

🧘‍♀️🧘Հաճախ մենք հիասթափվում ենք ոչ թե մարդուց, այլ մեր իսկ ստեղծած կեղծ պատկերից ու ակնկալիքներից. Նարադա Գևորգյան «Մեր կյանքում պատահականություններ չկան. յուրաքանչյուր մարդ և իրավիճակ որոշակի դաս է, որն օգնում է մեզ ճանաչել սեփական թուլությունները, կառավարել էմոցիաներն ու հասնել ներքին բալանսի», - «Ուրիշ նորություններում» ասում է արևելյան իմաստությունների գիտակ, հոգեբանական տրանսֆորմացիաների մասնագետ Նարադա Գևորգյանը։ Ըստ արևելյան (վեդայական) իմաստության՝ մարդիկ բաժանվում են երեք հիմնական տիպերի՝ վատա (օդ), պիտա (կրակ) և կապխա (ջուր/հող), որոնց անհավասարակշռությունն էլ ծնում է մեր հոգեբանական ու ֆիզիկական խնդիրները՝ տագնապից մինչև ագրեսիա։ Հաճախ մենք հիասթափվում ենք ոչ թե մարդուց, այլ մեր իսկ ստեղծած կեղծ պատկերից ու ակնկալիքներից. ուստի, սեփական տիպն ու բնության համընդհանուր օրենքներն իմանալն օգնում է խուսափել կրկնվող սցենարներից և կառուցել առողջ հարաբերություններ։ Գևորգյանը խորհուրդ է տալիս կիրառել պարզ, բայց էֆեկտիվ ամենօրյա միջոց՝ վաղ արթնանալ (մինչև ժամը 06:00-ն), 10-րոպե տրամադրել որովայնային շնչառական վարժությանը և չմտնել սոցցանցեր քնելուց առաջ ու արթնանալուց անմիջապես հետո. դա օգնում է պահպանել հոգեկան խաղաղությունը թվային դարաշրջանում։