Мырза-Аке ЖДПБда рентген бөлүмү заманбап жабдуулар менен иш алып барууда

Мырза-Аке жалпы дарыгерлер практикалык борборундагы рентген бөлүмү бүгүнкү күндө заманбап, акыркы үлгүдөгү медициналык шаймандар менен жабдылып, бейтаптарга сапаттуу кызмат көрсөтүүдө. Рентгенолог дарыгер Канышай Абдиеванын айтымында, рентген – бул оорунун түрүн так аныктап, дарыгерлерге туура диагноз коюуда жардам берүүчү негизги ыкмалардын бири. Рентген бөлүмүндө ар кандай ооруларды аныктоого арналган аппараттар менен иш жүргүзүлөт. Айрыкча кырсыктап жаракат алган, сөөк же муун оорулары бар бейтаптардын абалын аныктоодо, ошондой эле кургак учук жана башка ички органдардын ооруларын эрте аныктоодо бул бөлүмдүн ролу чоң. Бөлүмдө кызматкерлер бейтаптарга ыкчам жана так диагностика жүргүзүп, ар бир жарандын ден соолугун коргоого өз салымдарын кошуп келишет.