မန္တလေးမှာ သူခိုး သောင်းကျန်း၊ ရဲပစ္စည်းပါ ခိုးခံနေရ (ရုပ်/သံ)

အာဏာသိမ်း စစ်တပ်ထိန်းချုပ်ထားတဲ့ မန္တလေးမြို့မှာ ခိုးဆိုးလုနှိုက်တွေဟာ နေ့ခင်း ကြောင်တောင်မှာတင် ရဲတပ်ဖွဲ့ဝင်တွေရဲ့ ပစ္စည်းတွေပါမချန်ခိုး ယူနေကြတဲ့အထိ သောင်းကျန်းနေတယ်လို့ မြို့ခံတွေက ဧရာဝတီကို ပြောပါတယ်။ ခိုးမှုတွေဟာ အာဏာသိမ်းအစိုးရလက်အောက်ခံ စည်ပင်သာယာရေး ကော်မတီကတောင် သံမဏိမြောင်းဖုံးတွေ မကြာခဏ အခိုးခံနေရတဲ့အတွက် ပြည်သူတွေအနေနဲ့ သတင်းပေးပို့ကြဖို့ မေတ္တာရပ်ခံနေရတဲ့အထိ ဖြစ်နေပါတယ်။ ပစ္စည်းခိုးယူသူတွေဟာ နေအိမ်တွေကို ဖောက်ထွင်းခိုးယူရုံတင်မကတော့ဘဲ လမ်းဘေးက Transformer ထဲက ကြေးကြိုးတွေ၊ မြောင်းဖုံးတွေ၊ အိမ်ရှေ့က မီးကြိုးနဲ့ မီးစက်တွေအပြင် ကားဘက်မှန်နဲ့ ဘက်ထရီတွေကိုပါ ဖြုတ်ယူနေကြတာကြောင့် မြို့ခံတွေအနေနဲ့ လုံခြုံရေးအတွက်အထူးစိုးရိမ်နေကြတယ်လို့ ဧရာဝတီ ေပြာပါတယ်။ မန္တလေးမြို့မှာ စစ်တပ်၊ ရဲ၊ ပြည်သူ့စစ်အမည်ခံ ပျူစောထီးတွေနဲ့ လုံခြုံရေးအရ တင်းတင်းကျပ်ကျပ် ထိန်းချုပ်ထားပေမယ့် ခိုးဆိုးလုယက်မှုများ မကြာခဏ ဖြစ်ပွားနေတယ်လို့ မြို့ခံတွေက ပြောပါတယ်။ #မြန်မာ #ဧရာဝတီ #မန္တလေး #သူခိုး #ရဲ #စစ်တပ် #WhatsHappensInMyanmar