ស្ថានសួគ៍ស្ថានស្នេហ៍ ស៊ីន ស៊ីសាមុត និង រស់ សេរីសុទ្ធា

ស្ថានសួគ៌ស្ថានស្នេហ៍ ច្រៀងដោយលោក ស៊ីន ស៊ីសាមុត និង អ្នកស្រី រស់ សេរីសុទ្ធា បទភ្លេង និង ទំនុកច្រៀងដោយលោក ប៉ិច សាលឿន, ដកស្រង់ចេញពីរឿង ខ្ញុំសើចហើយខ្ញុំយំ ១-(ស) សុរិយាពន្លឺថ្លាបំភ្លឺផែនដី ហាក់ដូចជារូបបងរស្មី មានចិត្តភក្ដីមកលើរូបអូន នឹកស្រណោះកាលដែលប្រុសកៀកកើយខ្លួន ឬមួយក៏ចិត្តប្រុសស្ងួន បំភ្លេចស្នេហ៍អូនប្រុសលែងនឹកនា ២-(ប) មិនមែនទេ ប្រុសមិនដែលបែកស្នេហ៍ពីស្រី នៅស្រណោះមិនអស់អាល័យ នៅស្មោះភក្ដីតែស្រីរដ្ឋា គឺមិនពិតដូចវរមិត្រអូនវាចា បងពិតជាស្មោះចិន្ដា មិនភ្លេចស្នេហាៗយើងទេ បន្ទរ-(ស) បើពិតដូចពាក្យដែលបងវាចា ចិត្តអូនកួចស្នេហារឹតតែទ្វេ (ប) បងពិតជាស្មោះមិនដោះដៃទេ ក្នុងរឿងស្នេហ៍កែប្រែចោលមិនបានឡើយណាអូនណា -- ភ្លេង -- ៣-(រួម) សូមឲ្យស្នេហ៍ យើងទាំងពីរឋិតថេរតទៅ បើវាសនាចារហើយបើកផ្លូវ សូមលោកតម្រូវជួយឲ្យដល់ត្រើយ អូននិងបងឆ្លងស្ពានសុខដរាបអើយ ស្នេហ៍យើងឆ្លងផុតដល់ត្រើយ នេះហើយឋានសួគ៌សុភមង្គល