ရေတပ်မှာ ကြားပေါက်ဝင်ငွေ ဘယ်လိုရှာလဲ

“ဗိုလ်ချုပ်ကြီးတင်အောင်စန်းက သူ့နာမည်ပြောင်က သံပါးစပ်။ သံပါးစပ်ဆိုတာ အောက်ကိုမကျွေးဘဲ အကုန်ဝါးလွန်းလို့ သံပါးစပ်လို့ ပေးထားတာ။ သူ့ရဲ့သဘောက အကုန်ယူ ဂျက်စပဲရိုးရဲ့ မူဝါဒပေါ့” တပ်မတော်(ရေ)ပိုင်ထားသည့် အကြီးဆုံး စစ်ရေယာဉ်၌ နောက်ဆုံးတာဝန်ထမ်းဆောင်ခဲ့သော အုပ်ခွဲတပ်ကြပ်ကြီးမြတ်မင်းသူက အာဏာဖီဆန်ရေးလှုပ်ရှားမှု( CDM)မှာ ပါဝင်လာပြီး ၎င်း၏ လုပ်သက် ၁၃ နှစ်အတွင်း ကြုံတွေ့ခဲ့ရသည့် ရေတပ်အရာရှိကြီးများ၏ အဂတိလိုက်စားမှုများအကြောင်းကို ထုတ်ဖော်ထားသည်။ မိသားစုနှင့်အတူ အာဏာရှင်ကို စွန့်ခွာလာသည့် အသက် ၃၁ နှစ်အရွယ် ကိုမြတ်မင်းသူသည် စစ်ကောင်စီတပ်ကို လက်နက်ကိုင်ပြန်တိုက်ရန် အမျိုးသားညီညွတ်ရေးအစိုးရ(NUG)ဖြင့် ချိတ်ဆက်၍ လွတ်မြောက်နယ်မြေတစ်နေရာ၌ လူငယ်များကို စစ်ရေးလေ့ကျင့်ပေးနေသည်။ (လွတ်လပ်သည့် မီဒီယာအဖြစ် ရေရှည်ရပ်တည်နိုင်ရေး သင်တို့အကူအညီလိုအပ်နေပါသည်။ ဤနေရာ တွင် https://www.userroll.com/site/registe... နှိပ်၍ လှူဒါန်းနိုင်ပါသည်။)