Kthehu Përsëri - Official Lyric Video

Nga libri me poezi "Mall dhe Dashuri". Poezia: "Kthehu Përsëri". Te porta e shtëpisë, këmbëkryq ulet malli Lulet e oborrit, m’i ngjyrosin sytë blu Flokët kaçurrela, zbardhur me borë mali Nëna me Jargavanin, po më thërrasin këtu O, në horizont mëdysh m’u nda mali Drithërima kam në zemër, portën kur e hap Më pret Nëna e dashur, më josh Jargavani Dhe ëndrrat e mia memece, po rrjedhin me vrap Vitet e braktisura, sot ngatërrojnë kujtesën Kaçurrelat e bardha, m’i trazoi kjo erë Nuk e kuptoj as vetë: Kush ma dërgon ftesën? Nëna e përmallur, apo dega te ajo derë... Vendi i etërve gjithmonë po më thërret Zërat si jehonë, m’i zgjojnë këto lule Si një vajzë që pret, dega vjollcë po mbet Dhe brenga e largët, në shpirt më përulet Te pragu i shtëpisë, dega dhe malli Lulet e oborrit, m’i verbuan sytë blu Flokët kokorrodhka, zbardhur me borë mali Nëna me Jargavanin... po presin djalin këtu.