Po ta dija - official visualizer

Nga libri me poezi "Mall dhe Dashuri" Sikur ta diia se ylberët dalin për ty, mbi det do të shtroja qilimat e mi. Të lundronim si varkë me vela aty, delfinët t’i përkëdhelim plot mirësi. Ditët që numëron, javën e thur përsëri, si dikur, të varur në degë me lule limoni. Tek shkuma e valëve çlodhesh e vetme ti, unë kapiten, dremit me puthjen tek timoni. Po ta dija se kapërcehen ylberët për ty, mbi retë do fluturonin qilimat e mi. Si balona shumëngjyrëshe do jemi aty, si pëllumba të bardhë do luajmë në kaltërsi. Nuk mund ta mendoja këtë ditë deti, dëshirë kishe mbi valë ta kaloje jetën. Në detin e ëndrrave ky çast më mbeti, me ngjyrat e ylberta se fsheh të vërtetën. Ditët që numëron, javën e thur përsëri, si dikur, të varur në degë me lule limoni. Tek shkuma e valëve çlodhesh e vetme ti, unë kapiten, dremit me puthjen tek timoni. Po ta dija se kapërcehen ylberët për ty, mbi retë do fluturonin qilimat e mi. Si balona shumëngjyrëshe do jemi aty, si pëllumba të bardhë do luajmë në kaltërsi.