(⚠️13+) အိမ်ဖြူတော်က မပြောချင်တဲ့ နာမည် ၊ မမြင်ရတဲ့ ဇာတ်လမ်း (Regime Change စာအုပ်သစ်မှ)

ဒေါ်နယ် ထရမ့် အများစုအတွက်တော့ သူဟာ အင်စတီကျူးရှင်း တစ်ခုချင်းစီကို လှုပ်ခတ်စေနိုင်သူ၊ ဖက်ဒရယ်အစိုးရရဲ့ ကြီးမားတဲ့ ယန္တရားကြီးတစ်ခုလုံးကို ကိုယ်လိုချင်သလို ပြောင်းလဲပုံဖော်နိုင်သူ၊ မုန်တိုင်းကြီးတွေကိုလည်း အကြိမ်ကြိမ် ဖြတ်ကျော်နိုင်ခဲ့တဲ့ နိုင်ငံရေးသမားတစ်ယောက်လို မြင်ကြပါတယ်။ သူ့ရုံးခန်း ထဲကို ကမ္ဘာ့အချမ်းသာဆုံး၊ အာဏာအရှိဆုံး လူတွေ ဝင်ရောက်လာကြတယ်။ လက်ဆောင်တွေ၊ ချီးကျူးစကားတွေ၊ မျက်နှာသာပေးမှုတွေကြားမှာ သူဟာ အရာအားလုံးကို ထိန်းချုပ်ထားနိုင်သူတစ်ယောက်လို ထင်ရပါတယ်။ ဒါပေမယ့် ကင်မရာတွေ မရှိတဲ့ နောက်ကွယ်မှာတော့ ဇာတ်လမ်းက အဲဒီလို မဟုတ်ခဲ့ပါဘူး။ အိမ်ဖြူတော်ရဲ့ တံခါးတွေ ပိတ်သွားတဲ့အခါ၊ သူ့ရဲ့ ထိပ်တန်းအကြံပေးတွေ၊ အစိုးရအဖွဲ့ဝင်တွေ အရာတစ်ခုကို စိတ်ပူနေကြရတာပါ။ အဲဒီအရာက စီးပွားရေးလည်း မဟုတ်ဘူး။ စစ်ပွဲလည်း မဟုတ်ဘူး။ နိုင်ငံခြားရေး ပြဿနာလည်း မဟုတ်ဘူး။ သူတို့ အိပ်မပျော်အောင် လုပ်နေတဲ့အရာက နာမည်တစ်ခုပါ။ အဲဒါကတော့ Jeffrey Epstein။ မကြာသေးခင်ကမှ ထွက်ရှိလာတဲ့ "Regime Change " ဆိုတဲ့စာအုပ်မှာ ဖော်ပြထားတဲ့ အိမ်ဖြူတော်နောက်ကွယ်က လှုပ်ရှားမှုတွေမှာ ၊ ထရမ့်အတွက် ထိန်းချုပ်လို့မရတဲ့ အရာတစ်ခု ရှိနေခဲ့ပါတယ်။ အဲဒါကတော့ Epstein ဆိုတဲ့ နာမည်ကို ပြည်သူတွေရဲ့ မှတ်ဉာဏ်ထဲကနေ ပျောက်ကွယ်သွားအောင် လုပ်ဖို့ မဖြစ်နိုင်ခဲ့တာပါပဲ။ ဒီနေ့မှာတော့ အာဏာ၊ လျှို့ဝှက်ချက်၊ နိုင်ငံရေးပုံရိပ်နဲ့ ပြည်သူလူထုမှတ်ဉာဏ်တို့ တစ်နေရာတည်းမှာ ဆုံလာတဲ့ ဇာတ်လမ်းတစ်ပုဒ်ကို ဝေမျှပေးသွားပါမယ်။