1950കളിലെ പൂരം | ചേർപ്പ് ഭഗവതിയുടെ ദേവസംഗമം | Peruvanam Arattupuzha | OldPooram | Vinod Kandemkavil

പൂരം ഒരു സംസ്‌കൃതിയാണ്. ആ സംസ്‌കൃതി ഉടലെടുത്തത് പെരുവനം ഗ്രാമത്തിലും. പെരുവനം - ആറാട്ടുപുഴ പൂരങ്ങളിലൂടെയാണ് പൂരത്തിന്റെ മഹത്ത്വം ലോകമെങ്ങും അറിഞ്ഞത്. ആ പൂരത്തിലെ മുഖ്യ പങ്കാളിയാണ് ചേർപ്പ് ഭഗവതി. എന്നാൽ 1970 കാലത്ത് നടപ്പിലായ ഭൂപരിഷ്കരണ നിയമം മൂലം സാമ്പത്തിക ബാധ്യതയിലായ ചേർപ്പിലെ ഊരാള കുടുംബങ്ങൾക്ക് ആ കാലഘട്ടത്തിൽ പൂരച്ചടങ്ങുകൾ ഭാഗികമായി നിർത്തിവെയ്‌ക്കേണ്ടി വന്നു. സാമ്പത്തിക പ്രതിസന്ധിയും നിരീശ്വരവാദവും കത്തിനിന്ന ആ കാലത്ത് പൂരം മുടങ്ങും എന്ന നിലയിലായി. എന്നാൽ ഭഗവതിയുടെ തീരുമാനം മറ്റൊന്നായിരുന്നു. ഒരുസംഘം പൂരപ്രേമികളുടെ ദൃഢനിശ്ചയവും അക്ഷീണപരിശ്രമവും കൊണ്ട് പൂരം ഇന്ന് കാണുന്ന നിലയിലേക്ക് ഉയർത്തി കൊണ്ട് വരാൻ അവർക്ക് സാധിച്ചു. അന്നത്തെ പൂരപ്രേമികളിൽ ഒരാളാണ് ഇന്ന് 77 വയസ്സുള്ള ചേർപ്പ് ദേശവാസിയായ ഗോപിയേട്ടൻ. കൃഷിക്കാരനായ ഗോപിയേട്ടൻ 70 വർഷമായി പൂരം കാണുന്നതിന്റെ ആവേശത്തിലാണ്. പാടത്ത് പണിയെടുക്കുന്ന അതേ ഉത്സാഹം പൂരത്തിന്റെ സംഘാടനത്തിലും അദ്ദേഹം കാണിച്ചിരുന്നു. 1970 കൾക്ക് മുമ്പുള്ള ജന്മി കാലഘട്ടത്തെ പൂരവും അതിനു ശേഷം ജനങ്ങൾ ഏറ്റെടുത്ത പൂരവും ആവോളം ആസ്വദിക്കാനുള്ള ഭാഗ്യം അദ്ദേഹത്തിന് ഉണ്ടായി. പൂരത്തിന്റെ പ്രതിസന്ധിഘട്ടത്തെ അതിജീവിച്ച ഓർമ്മകൾ ഇന്നും മായാതെ അദ്ദേഹത്തിന്റെ മനസിലുണ്ട്. ഗോപിയേട്ടൻ അന്ന് കണ്ടതും കേട്ടതുമായ പൂരവിശേഷങ്ങൾ ശ്രീ. വിനോദ് കണ്ടെംകാവിലുമായി പങ്കുവെയ്ക്കുന്നു. #Cherpu #peruvanam #arattupuzhapooram