#LIVE:KATIBU MKUU WA JUMUIYA YA WAZAZI TAIFA ALI HAPPY,AWATAKA WANACHAMA WA CCM KUVUNJA MAKUNDI

#ikulu #raissamia #bungelatanzania #ikuluzanzibar #wizarayamamboyandani #rcmwanza #uvccmmwanza #rsmwanza #mamboyanje #mamboyandani #wizarayaujenzi #ccmtaifa #ccmmkoawamwanza #ccmzanzibar #uvccmmwanza #tamisemi #dodomakwanza #dodomajiji ALI HAPPY APOKELEWA KWA SHANGWE MWANZA, AWATAKA WANACHAMA WA CCM KUSHUKA KWA WANANCHI Mwanza Mwenyekiti wa Jumuiya ya Wazazi Tanzania Taifa, ndugu Ali Happy, amepokelewa kwa shangwe na mamia ya wanachama wa Chama Cha Mapinduzi pamoja na viongozi mbalimbali wa chama mara baada ya kuwasili mkoani Mwanza kwa ziara ya kikazi. Akizungumza baada ya mapokezi hayo, Ali Happy aliwataka wanachama wa CCM Mkoa wa Mwanza kuendelea kushuka kwa wananchi, kusikiliza changamoto zao na kushiriki kikamilifu katika kutatua kero zinazowakabili ili kuendelea kukijengea heshima Chama Cha Mapinduzi. Alisema kuwa uimara wa CCM unatokana na uhusiano mzuri kati ya chama na wananchi, hivyo viongozi na wanachama wanapaswa kuwa karibu na jamii wakati wote kwa kutekeleza majukumu yao kwa uadilifu na uwajibikaji. Katika hafla hiyo, Katibu wa CCM Mkoa wa Mwanza, ndugu Omari Mtuwa, alipata nafasi ya kumkaribisha rasmi Ali Happy mkoani Mwanza. Akizungumza kwa niaba ya chama, Omari Mtuwa alimpongeza mwenyekiti huyo kwa ziara yake na kueleza kuwa ujio wake ni chachu ya kuimarisha shughuli za chama na jumuiya zake katika mkoa huo. Aidha, tukio hilo lilipambwa na viongozi wa kimila ambapo machifu wa Kanda ya Ziwa walimvika joho la heshima Ali Happy kama ishara ya kumkaribisha na kuthamini mchango wake katika kuimarisha umoja, mshikamano na maendeleo ya wananchi. Wanachama wa CCM waliohudhuria hafla hiyo walionesha furaha kubwa kwa kumpokea kiongozi huyo huku wakiahidi kuendelea kutekeleza maelekezo ya chama kwa lengo la kuimarisha maendeleo na kuongeza imani ya wananchi kwa CCM. Ziara ya Ali Happy mkoani Mwanza ni sehemu ya mikakati ya kuimarisha jumuiya za chama, kuhamasisha ushiriki wa wanachama na kuendeleza ajenda ya maendeleo kwa wananchi.