کربلا سمجھنے کا بہترین منبع خود امام حسینؑ ہیں || Karbala samajhnay ka behtareen manba

واقعۂ کربلا کو سمجھنے کا سب سے معتبر اور بنیادی منبع خود امام حسینؑ ہیں۔ امام حسینؑ نے مدینہ سے کربلا اور عصرِ عاشور تک اپنے قیام کا مقصد، یزیدی حکومت کا فساد، اور امت کی ذمہ داری بار بار خود بیان فرمائی۔ آپؑ نے ہر موقع پر افراد، قافلوں، قبائل، مردوں، عورتوں، مسلمانوں اور غیر مسلموں تک اپنا پیغام پہنچایا۔ امامؑ نے کربلا کی تشریح خطیبوں اور ذاکروں کے سپرد نہیں کی بلکہ خود اپنے خطوط، خطبات اور نمائندوں کے ذریعے مقصدِ قیام واضح کیا۔ اس لیے کربلا کو سمجھنے کے لیے سب سے پہلے امام حسینؑ کے اپنے بیانات کو معیار بنایا جائے، پھر مؤرخین، مصنفین اور خطباء کی باتوں کو اس پر پرکھا جائے۔