کربلا: صبر و استقامت کی انتہا | صابرین، دین کا بوجھ اٹھانے والے

قرآن کی پانچوں آزمائشیں کربلا میں ایک ساتھ جمع ہو گئیں۔ خوف، بھوک، جان، مال اور اولاد کا نقصان... امام حسینؑ نے سب کچھ اللہ کی راہ میں پیش کر دیا۔ قرآن کا صبر خاموشی نہیں، بلکہ حق پر استقامت اور ثابت قدمی ہے۔ صابر وہ ہے جو آندھیوں، طوفانوں اور مصیبتوں میں بھی اپنا راستہ، فیصلہ اور مقصد نہیں بدلتا۔ "إِنَّا لِلّٰهِ وَإِنَّا إِلَيْهِ رَاجِعُونَ" صرف قبرستان کی آیت نہیں، بلکہ اہلِ استقامت کا نعرہ ہے۔ مصیبتیں صابر کو توڑتی نہیں، بلکہ اسے دین کا بوجھ اٹھانے کے قابل بناتی ہیں۔ کربلا ہمیں سکھاتی ہے کہ اللہ کا دین صرف صابر اور ثابت قدم لوگوں کے ذریعے قائم ہوتا ہے۔