Tv Klan - Situatë apokaliptike nga zjarret në Delvinë

Tre fshatra në Delvinë po përjetojnë një situatë apokaliptike për shkak të flakëve të zjarrit që përfshinë këtë të premte zonën. Në Vergo, Kopaçez dhe Palavli janë djegur dhjetëra shtëpi, si dhe një kishë. Pas përkeqësimit të situatës, Ministria e Mbrojtjes urdhëroi evakuimin e banorëve. Forcat e emergjencës kanë arritur të futen në zonat kritike, duke bërë të mundur nxjerrjen e banorëve të moshuar. Dhjetëra mjete zjarrfikëse dhe mbi 100 efektivë janë në terren për të bërë të mundur lokalizimin e flakëve. Në ndihmë për shuarjen e flakëve kanë ardhur edhe 2 helikopterë të Forcave të Armatosura dhe 2 “Cougar”, të cilët janë në aksion prej orës 15:00. Krahas banesave të shkrumbuara, dëme të mëdha ka pasur në bujqësi dhe blegtori. Banorët thonë se janë djegur shumë bagëti të imta, me të cilat siguronin jetesën. Për shkak të situatës problematike, policia ka marrë masa në rrugën kombëtare, duke mundësuar lëvizjen e zjarrfikësve, ndërsa nuk lejon mjetet e tjera të afrohen pranë fshatrave nën zjarr. Situata po ndiqet nga afër nga Ministri i Mbrojtjes, Pirro Vengu, prefekti Plator Nesturi dhe Drejtori i Përgjithshëm i Agjencisë Kombëtare të Mbrojtjes Civile, Haki Çako, si dhe drejtuesit e policisë. Sakaq, shqetësuese paraqitet situata edhe në Mirditë, ku flakët e zjarrit që përfshinë Shkopetin disa ditë më parë u përhapën mbrëmjen e kaluar. Sipas raportimeve, disa nga punonjësit e forcave operacionale që janë në betejë për shuarjen e flakëve kanë pësuar lëndime të lehta gjatë ndërhyrjeve. Në ndihmë të forcave zjarrfikëse është angazhuar edhe një helikopter, që ka nisur ndërhyrjen nga ajri për të neutralizuar vatrat aktive të zjarrit. Ministria e Mbrojtjes njofton se përgjatë 24 orëve të fundit janë raportuar 29 vatra zjarri, 10 prej të cilave, sipas Ministrisë, janë ende aktive dhe 4 nën monitorim. Pas ditësh të vështira me zjarrin mbi fshatin Dukat të Vlorës, sot po punohet për shuarjen përfundimtare të tij. Vatër aktive vijon të jetë edhe ajo në Parkun Kombëtar të Lurës, ndërsa pas një operacioni të gjatë dhe të vështirë, zjarri që përfshiu zonën Plesat–Kardhiq–Prongji të Bashkisë Gjirokastër është vënë nën kontroll. SUBSCRIBE to “RTV KLAN” on YouTube for more videos! Email: [email protected] Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow Tvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/