Zjarri në Kalasë

Zjarri në Kalasë - Zjarr masiv në Kalasë të Delvinës, evakuohen banorët – ndërhyrje nga toka dhe ajri Një zjarr i përmasave të mëdha ka përfshirë pasditen e sotme fshatin Kalasë në Bashkinë Delvinë, duke vënë në rrezik serioz banesat dhe jetën e banorëve. Flakët, të nxitura nga era e fortë dhe temperaturat e larta, janë përhapur me shpejtësi në një zonë me bimësi të dendur dhe afër shtëpive të banimit. Përballë përkeqësimit të situatës, autoritetet kanë nisur evakuimin e banorëve, veçanërisht të moshuarve dhe fëmijëve, për të shmangur çdo rrezik për jetën e tyre. Në vendngjarje kanë mbërritur menjëherë forcat zjarrfikëse nga Delvina dhe Saranda, si dhe efektivë të Forcave të Armatosura dhe emergjencave civile. Për shkak të terrenit të vështirë malor dhe qasjes së kufizuar për mjetet zjarrfikëse, është aktivizuar edhe një helikopter ushtarak Black Hawk që po ndihmon në përpjekjet për shuarjen e flakëve nga ajri. Ministri i Mbrojtjes Pirro Vengu dhe kryetari i Bashkisë Delvinë Besmir Veli ndodhen në terren për të ndjekur nga afër situatën dhe për të koordinuar veprimet për kontrollin e zjarrit. Ministria e Mbrojtjes e ka cilësuar situatën si shumë serioze, ndërsa u ka bërë thirrje banorëve të qëndrojnë të qetë dhe të ndjekin udhëzimet e autoriteteve për evakuim dhe siguri. Saranda Web do të vijojë të raportojë në kohë reale për zhvillimet në Kalasë dhe për çdo informacion të ri mbi përmasat e dëmeve apo ndërhyrjet shtesë që do të ndërmerren. Saranda Web - Rrjeti më i madh informues & promovues - Saranda News & Info - Gjithçka rreth Sarandës Website https://sarandaweb.net/ Facebook   / sarandaweb.net   Instagram   / saranda.web   Youtube    / @sarandaweb   Tiktok   / saranda.web   Pinterest   / sarandaweb   in   / sarandaweb   Linktree https://linktr.ee/sarandaweb #sarandaweb #kalasë Lajme nga Saranda Lajme nga Saranda Web, Saranda news & info, Lajme me video live nga Saranda Web. Live TV me lajmet nga Saranda Web. Lajmet e Fundit nga Saranda vijnë në Saranda Web Lajme nga Saranda – Portali Saranda Web! Portali Saranda Web - Lajmet e Sarandës