GROOT Kombuis | Reinate van den Berg-Lord en haar tuisgemaakte 'Hertzoggies' | 23 Oktober 2024

Tuisgemaakte 'Hertzoggies'! Kom kuier saam met Reinate van den Berg-Lord – en leer hoe om die tegniek te bemeester! Bestanddele Vir die deeg: 300g meel 2 teelepels bakpoeier 100g suiker 'n knippie sout 125g botter in blokkies 3 eiergele 1 eetlepel koue water Vir die vulsel: 3 groot eierwitte 100g suiker 100g gedroogde klapper ½ koppie appelkooskonfyt Instruksies 1. Voorverhit die oond tot 180 °C. 2. Smeer 'n mini-muffinbakplaat met botter. 3. Sif die meel, bakpoeier en sout in 'n groot mengbak. 4. Voeg die suiker en botterblokkies by, en masseer die botter in die meelmengsel in totdat dit fyn krummels vorm. 5. Voeg die eiergele by en meng, voeg 'n bietjie water by indien nodig, om die deeg bymekaar te bring. 6.Bring die deeg bymekaar op met meel bestrooide oppervlak totdat dit glad is, rol dit dan in 'n bal en bedek dit met plastiek en rus in yskas vir ongeveer 20 minute. 7. Klits die eierwitte in 'n aparte bak tot sagte punte, en voeg die suiker in fases by totdat dit stywe punte bereik. 8. Vou die klapper versigtig in en sit eenkant. 9. Druk die deeg uit en plaas in die muffinbakplaat.. 10. Voeg twee teelepels konfyt op die deeg, en vul dan elkeen met die meringue mengsel. 11. Sit die tertjies in die oond en bak vir 15-20 minute totdat die toppe bros en goudbruin is. 12. Laat effens afkoel, en lig hulle dan versigtig uit die bakplaat en op 'n afkoelrak. #cookie #recipe #DieGROOTOntbyt