Daktari aliyemuhudumia mwanafunzi wa UDOM aliyefariki afunguka, ataja alikua na nani, alikuaje

Licha ya kuibuka utata juu ya kifo cha mwanafunzi wa chuo Kikuu Dodoma(UDOM), Nusura Abdallah, Daktari wa Hospitali ya Faraja iliyopo Himo, Wilaya ya Moshi Mkoani Kilimanjaro, Dk.Peter Minja ameeleza mwanzo mwisho walivyompokea mwanafunzi huyo. Dk.Minja ameeleza Mei Mosi mwaka huu mwanafunzi huyo akiwa hajitambui alifikishwa hospitalini hapo na mwanaume anayedaiwa kuwa ni mpenzi wake ambapo baada ya saa chache mwanafunzi huyo alifariki dunia wakati akipatiwa matibabu huku chanzo cha kifo chake kikielezwa ni sukari ilipanda hadi kiwango cha juu. Aidha amesema baada ya mwanafunzi huyo kufariki duniani mwili wake ulikaa hospitalini hapo hadi Machi 3 ambapo mwili huo ulichukuliwa akiwemo anayedaiwa kuwa ni mpenzi wake pamoja na watu wengine watatu walijitambulisha hospitalini hapo kuwa ni ndugu zake