МЕТАЛЬДІ АРИФМЕТИКА МАЙТАЛМАНДАРЫ МАРАПАТТАЛДЫ

Ментальді арифметика – 4-14 жас аралығындағы балалардың зияткерлік қабілетін дамытуға арналған, ойша есеп жүйесіне негізделген бағдарлама. Негізінен, оның тарихы ежелгі Қытайдағы абакус есептеу құрылғысының пайда болуымен тығыз байланысты болса керек. Себебі ментальді арифметика бағдарламасының негізі осы абакусты қолданумен сипатталады. Дәл осы құрылғының адам миын шынықтыратын қасиетін байқаған малайзиялық профессор Дино Вонг 1993 жылы UCMAS ментальді арифметика бағдарламасын ойлап тапқан. Бүгінгі таңда бұл бағдарлама әлемнің 75 елінде сұранысқа ие болып, UCMAS орталықтары ашылған. Қазақстанға мұндай орталықтар 2011 жылы келді. Ал 2015-2016 жылдары облыс орталықтарында ментальді арифметика курстары ашыла бастады. «Ойша есеп шығару мидағы нейрондар байланысына жақсы әсер етеді. Кейде ментальді арифметика курсына баратын баланың барлығы арифметикалық тапсырмаларды орындауға қабілетті болмауы мүмкін. Оны да ескеру керек, дейді "Meddina Education" білім беру орталығының негізін қалаушы Жанар Иманалинова. Жоғырғы білімді Жанар Оралханқызы алғаш кәсібін 2016 жылы "Айналайын" атты балаларға арналған балмұздақ кафесін ашудан бастаған болатын. Кейін бизнестегі бағытын өзгертіп, білім беру орталығын құру туралы шешім қабылдаған. 2011 жылы «Жұмыспен қамту-2020» жол картасы жобасының аясында «Атамекен» кәсіпкерлер палатасына тіркеліп жұмысын жандандыра білді. Иманалинова Жанар басқарып отырған білім беру орталығы 9 жылдан астам уақыт бойы табысты жұмыс жасап келеді. Тоғыз жыл ішінде ағылшын тілін сәтті оқытып, 4000 баланың білім деңгейін көтерген. Оның ішінде 2560 бала оқуға келгенде ағылшын тілін мүлдем білмеген. Қазіргі уақытта барлық бала ағылшын тілін жақсы меңгерген,-дейді Жанар Оралханқызы. Сондай-ақ, кәсіп иесі осы курс арқылы орталықтың оқыту бағдарламасына балалардың ойлауын дамыту үшін менталдық арифметика сынды (Smartum _AMAkids франшизаны) Мәскеу бағдарламасының курсын енгізген. Жалпы, орталықтың мақсаты - балалардағы қорқыныш пен толқуды алып тастау, балалардың қабілеттерін ашу және олардың әлеуетін көтеру, әр баланың данышпан екенін дәлелдеу, балалардың оқуға деген құштарлығын ояту және өзіне деген сенімділікті қалыптастыру. Қазіргі таңда орталықта қызмет ететін 15 оқытушы ағылшын тілі, ментальды арифметика, қазақ тілі, мектепке дайындық, жылдам оқыту (әріптану) курстары бойынша сабақ өткізеді. Осындай курстардан білім алып жүрген балалардың жетістіктері де жоқ емес. Әсіресе, ағылшын тілі, ментальды арифметикадан байрақты бәсекелерде бақ сынап, ел намысын қорғап жүрген өрендер де осы ортадан шығуда. Соның жарқын дәлелдерінің бірі, орталықтың оқушылары 4 шет мемлекетте өткен халықаралық олимпиадаларға, Отанымыздың астанасы - Астана қаласында да бірқатар жарыстарға қатысып қайтты. Мысалы, ағылшын тілі және ментальді арифметикадан Біріккен Араб Әмірлігінің Дубай қаласында, Мысырдың Шарм-эльШейх қаласында өткен олимпиадаларға қатысты. Ал, Астана қаласында өткен олимпиадаға өңірден 45 бала қатысып, барлығы дерлік марапаттарға ие болған. Жуырда орталық тағы бір үлкен жетістікке қол жеткізіп, мұндағы қызметкерлер мен білім алушыларды, олардың ата-аналарын кезекті рет қуанышқа бөледі. Осы орайда орталықтың ұйымдастыруымен аудандық "Оқушылар сарайында" үлкен шара ұйымдастырылды. Бұл шарада жеіңмпаздар марапатталып Алғысқа бөленді.