«БАЛАЛАРДЫҢ БАЛ МЕКЕНІ» «Әсия-әлемі» бөбекжай баларбақшасы

Балабақша – кішкентай жүректердің үлкен арманға алғашқы қадам басатын мекені. Таңның ақ шапағындай таза ниетпен келген бөбектердің күлкісі бұл ортаны ерекше нұрға бөлейтіні анық. Әр баланың сыңғыр күлкісі, әр айтқан сөзі – бір әлем, бір құпия. Осы бір әлемнің есігін ашып, оны тәрбиелеу – тәрбиешінің жүрегіндегі мейірім мен сабырдың жемісі. Балабақша – тек білім беретін орта ғана емес, бұл – бала мінезінің, болашақ тұлғаның іргетасы қаланатын киелі орын. Сондықтан әр - бір ата - ана үшін балабақша – жай ғимарат емес. Бұл – шаттық пен күлкіге толы баластан әлемі, жүректерге сәуле құятын мейірім бесігі. Осы бесікте тербелген әрбір бала бақытты, нұрлы болашаққа сеніммен қадам басса екен деген тілек бар екені сөзсіз. Ұлттық құндылықтар – бір ұлттың тарихы, мәдениеті, тілі, дәстүрі, салт-санасы арқылы ұлттық бірегейлікті қалыптастыратын негіздер. Оларды сақтап қалу және дамыту қоғамның тұрақтылығы мен келешегі үшін маңызды. Қазіргі жаңа дәуірде дәстүрге сай тәрбие арқылы ұлттық құндылықтарды жас ұрпаққа жеткізу – қоғам мен мектептің ғана емес, әр отбасының да басты міндеті. Міне, осы бағытта 2016 жылы «Балапан» бағдарламасы аясында, 250 орындық бүлдіршіндерге арналған «Әсия-әлемі» бөбекжай баларбақшасы бой көтерген болатын. Жеке кәсіпкер, құрылтайшы директоры Ләйла Жунисалиева басқарып отырған «Әсия-әлемі» балабақшасы бүгінде ауданымыздың мақтанышына айналды. Алғашқы жылдары 250 орындық болып ашылса қазіргі таңда 350 бала тәрбиеленуде. Бір айта кетерлігі қазақи нақышқа, дәстүрге көп көңіл бөлген басшы Ләйла Махамбетқызы бұл шарада салт - дәстүрді насхаттау бағытында басым жұмыстар жасады. Атап айтсақ, тәрбиешілер мен ата-аналардың қатысуымен "Бесікке салар" "Тұсау кесер" сияқты қазаша дәстүрден қойылымдар ұйымдастырылды. Атап айтсақ, "Бәйтерек" тобының қыздары «Гүлдер биін» тарту етсе, "Балдырған" ересек тобы «Көктемгі вальс» Еңлік Сәбит "Гимнастика"билерімен көрерменді тәнті етті.Сондай-ақ, көрмелер жайылып бүлдіршіндер топ-топқа бөлініп концерттік бағдарламаға ұластырды. Ал тәрбие ұлттық құндылықтар¬ға сүйенгенде ғана жемісті болмақ. Сондықтан қазақ қоғамы үшін ұлттық құндылықтарды сақтап, оларды жас ұрпаққа жеткізу маңдайалды міндеттің бірі екенін түсінетін сәт туды.