နှင်းဆီလှုပ်ရှားမှုအဖြစ် ၉ရွာ ၉မိုင် ချီတက် လမ်းလျှောက်

ယင်းမာပင်-ဆားလင်းကြီး ကျေးရွာပေါင်းစုံ လူထုသပိတ်တိုက်ပွဲ ဦးဆောင်ကော်မတီ က လူထုခေါင်းဆောင် ဒေါ်အောင်ဆန်းစုကြည် မွေးနေ့ အထိမ်းအမှတ် နှင်းဆီလှုပ်ရှားမှုအဖြစ် ချီတက် လမ်းလျှောက် ဇွန် ၁၈ ၊ ၂၀၂၆ ယင်းမာပင်-ဆားလင်းကြီး ကျေးရွာပေါင်းစုံ လူထုသပိတ်တိုက်ပွဲ ဦးဆောင်ကော်မတီ က လူထုခေါင်းဆောင် ဒေါ်အောင်ဆန်းစုကြည် မွေးနေ့ အထိမ်းအမှတ် နှင်းဆီလှုပ်ရှားမှုအဖြစ်နဲ့ ချီတက် လမ်းလျှောက်ပွဲကို ဒီနေ့မှာ ပြုလုပ်ခဲ့ကြပါတယ်။ နှင်းဆီလှုပ်ရှားမှုအဖြစ်နဲ့ ချီတက် လမ်းလျှောက်ပွဲကို (၈+၁)=၉ (၉) ရွာ (၉) မိုင် ချီတက်လမ်းလျှောက်ခဲ့ကြတယ်လို့ ယင်းမာပင်-ဆားလင်းကြီး ကျေးရွာပေါင်းစုံ လူထုသပိတ်တိုက်ပွဲ ဦးဆောင်ကော်မတီဝင် က ပြောပါတယ်။ ရွာပေါင်းစုံသပိတ်ကော်မတီအနေနဲ့ ဇွန်လ (၁၉) ရက်မှာ ကျရောက်မယ့် လူထုခေါင်းဆောင်ဒေါ်အောင်ဆန်းစုကြည် ရဲ့ (၈၁) နှစ်ပြည့် မွေးနေ့ကို ဂုဏ်ပြုသော အားဖြင့် နိုင်ငံရေး စစ်မျက်နှာ လူထုဘက်က အသာစီးရရေးအတွက် လမ်းလျှောက်ချီတက် လှုပ်ရှားမှုကို ဆောင်ရွက်ခဲ့ကြပါတာလို့ သိရပါတယ်။ “တော်လှန်ရေးတိုင်းမှာ ကြုံတွေ့ရတဲ့ စစ်မျက်နှာတွေအကြောင်း ဖန်တရာတေအောင်ပြောခဲ့ကြပြီး ပြောနေကြဆဲဖြစ်ပါတယ်။ အဓိကစစ်မျက်နှာတွေဖြစ်တဲ့ စစ်ရေး စစ်မျက်နှာ ၊ နိုင်ငံရေး စစ်မျက်နှာ၊ ဘဏ္ဍာရေး စစ်မျက်နှာ ၊ သံတမန်ရေး စစ်မျက်နှာ တွေအောင်နိုင်ဖို့ လူထုအားနဲ့ ဆက်လက်ချီတက်ကြရအုံးမှာဖြစ်ပါတယ်” လို့ ယင်းမာပင်-ဆားလင်းကြီး ကျေးရွာပေါင်းစုံ လူထုသပိတ်တိုက်ပွဲ ဦးဆောင်ကော်မတီဝင် က ပြောပါတယ်။ ဒါအပြင် နိုင်ငံလုံးအဆင့် နှင်းဆီလှုပ်ရှားမှုကြီးကို ပူးပေါင်းပါဝင်ကြရင်း စစ်အာဏာရှင်စနစ်ကို ဆန့်ကျင်တော်လှန်ပေးကြဖို့အတွက်လည်း ယင်းမာပင်-ဆားလင်းကြီး ကျေးရွာပေါင်းစုံ လူထုသပိတ်တိုက်ပွဲ ဦးဆောင်ကော်မတီ က တိုက်တွန်းထားပါတယ်။ #SpringRevolution #PVTV #PVTVMyanmar #PVTVNews #PVTV Telegram Channel -https://t.me/pvtvmyanmar PVTV ရုပ်သံအစီအစဉ်များကို    / pvtvmyanmar   မှာ ဝင်ရောက်ကြည့်ရှုခြင်း ဖြင့်တော်လှန်ရေးတွင် တတပ်တအား ပါဝင်ကူညီနိုင်ပြီဖြစ်ပါတယ်။