Khit Thit Afternoon News | May 29, 2026

Khit Thit သတင်းဌာန၏ မေ ၂၉ ရက် နေ့လယ်ပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ မေ ၂၉ ရက် နေ့လယ်ပိုင်း တင်ဆက်ပေးမယ့် သတင်းတွေကတော့ နိုဘယ်ငြိမ်းချမ်းရေးဆုရှင် လူထုခေါင်းဆောင် ဒေါ်အောင်ဆန်းစုကြည်ရဲ့ ၈၁ နှစ်မြောက် မွေးနေ့ အထိမ်းအမှတ်အဖြစ် သူမကို မတရားဖမ်းဆီးထားတဲ့ အကြမ်းဖက် စစ်တပ်ဘက်က ဒေါ်အောင်ဆန်းစုကြည် သက်ရှိထင်ရှား ရှိ၊ မရှိ သက်သေပြပေးဖို့ ကမ္ဘာလုံးဆိုင်ရာ စိန်ခေါ်တောင်းဆိုမှု အနေနဲ့ ပြုလုပ်မယ့် လှုပ်ရှားမှုတွေမှာပါဝင်ပေးဖို့ ကိုထိန်လင်း ခေါ် ကင်မ်အဲရစ် က တိုက်တွန်း ပန်ကြားလာပါတယ်။ အကြမ်းဖက် စစ်ခေါင်းဆောင် မင်းအောင်လှိုင်က မေလ ၃၀ ရက်နေ့ကနေ ဇွန်လ ၃ ရက်နေ့အထိ အိန္ဒိယနိုင်ငံကို သွားရောက်မှာဖြစ်တယ်လို့ အိန္ဒိယနိုင်ငံခြားရေး ဝန်ကြီးဌာနက သတင်းထုတ်ပြန် လာပါတယ်။ မန္တလေးတိုင်း၊ ညောင်ဦးမြို့နယ်အတွင်း စစ်ကြောင်းထိုးနေတဲ့ အကြမ်းဖက် စစ်တပ်ဘက်က တပ်သား မျိုးထက်ဇော်ကို တော်လှန်ရေးတပ်တွေက အရှင်ဖမ်းဆီးရမိခဲ့ပြီး ၊ သူ့ကို ဖမ်းထားတဲ့ ဓါတ်ပုံမှာ တော်လှန်ရေးတပ်တွေက ထပ်တုံးခတ်ပြီး ထမင်းကြွေးထားတဲ့အပေါ် ဘာလို့ကျွေးတာလဲဆိုတဲ့ မှတ်ချက်ပြုမှုတွေလည်း မြင့်တက်နေပါတယ်။ ကမ္ဘာ့ အမည်ပျက်နိုင်ငံများစာရင်းမှာ အစ္စရေးနိုင်ငံကို ထည့်သွင်းလိုက်တဲ့ အတွက် မကျေနပ်လို့ဆိုပြီး ကုလ အတွင်းရေးမှူးချုပ်နဲ့ အဆက်အသွယ်အားလုံး ဖြတ်တောက်တယ်လို့ အစ္စရေး ဘက်က ကြေညာ လာတဲ့ သတင်းအပါအဝင် နေ့လယ်ခင်းသတင်းတွေကို တင်ဆက်ပေးပါမယ်။