ಯೋಗ ಗೀತೆ - ಅನುದಿನ ಯೋಗವ ತನುವಲಿ ಮಾಡಲು ಮನವನು ಸಮತೆಯಲಿರಿಸುವುದು/

ಯೋಗ – ಅನುದಿನ ಯೋಗವ ತನುವಲಿ ಮಾಡಲು ಮನವನು ಸಮತೆಯಲಿರಿಸುವುದು/ ಮನಸಿನ ಶಾಂತಿಯ ಮನುಕುಲ ಬೇಡಿರೆ ಘನದಲಿ ನೆಮ್ಮದಿ ನೀಡುವುದು// ಕನಸಿದ ಯೋಗವ ನನಸಲಿ ಮಾಡಲು ಜನರಿಗೆ ಶಾಂತಿಯು ಲಭಿಸುವುದು/ ತನುವನು ದಂಡಿಸಿ ದಿನದಿನ ಮಾಡಲು ಮನದಲಿ ಸೌಖ್ಯವು ಹೆಚ್ಚುವುದು// ಯೋಗವ ಮಾಡಲು ರೋಗವು ನೀಗಿತು ಬೀಗಿತು ತನುಮನ ಹರುಷದಲಿ/ ಯೋಗದ ಶಕ್ತಿಯ ರಾಗದಿ ಪಾಡುತ ಸಾಗುತ ತಿಳಿಸುವೆ ಜಗದಲ್ಲಿ// ಸಾಗಲಿ ಯೋಗವು ಬಾಗಲಿ ದೇಹವು ಬೇಗನೆ ಬಳುಕಲು ಕಲಿಯುವುದು/ ಯಾಗದ ಫಲದೊಲು ರಾಗದ ಸವಿಯೊಲು ತೇಗದ ಬಲದಲಿ ಹೊಳೆಯುವುದು// -- ಸಾ. ನಾ. ಶ್ರೀಲಕ್ಷ್ಮಿ