Өскеменде жол-көлік апатына кінәлі деп танылған судьяға қатысты үкім оқылды

Өскеменде судьяға қатысты үкім оқылды. Адам өлген жол-көлік апатына кінәлі деп танылған судья Әсем Болатқызының ісі өзі жұмыс істеген Өскемен қалалық №2 сотында қаралды. Тура екі жылға созылған аты шулы істе күдікті ақталып шықты. ЖАНАР ОҢҒАРБАЕВА, Өскемен қаласы №2 сотының судьясы: – Болатова Әсем Болатқызы кінәсіз деп танылсын. Істе қылмыстық құрамы болмағандықтан ақталсын. Жәбірленуші тараптың алты адамның әрқайсысына талап еткен бес миллион теңгеден моральдық-материалдық шығыны қанағаттандырусыз қалдырылсын. Бірақ мұнымен марқұм Әділ Саяновтың туыстары келіспейді. Үкім әділетсіз деген жәбірленушілер судья әріптес ретінде кінәлінің ісін бұрмалап, ақтап алды деп санайтындарын ашық айтты. Сондықтан кінәсі делелденген күдікті қалай да жазасын өтеуі тиіс деген марқұмның әке-шешесі, енді облыстық сотқа аппелациялық шағым түсірмек. Апат болғаннан бергі екі жылда талай рет сот болып, созылған іс бүгін онлайн түрде өтіп, барлық қатысушылар уатсап желісі арқылы қосылды. Ал дәл осыған дейін жұмысынан шеттетілген судьяның қызметі мен көлік жүргізу куәлігіне қатысты нақты ақпарат әлі күнге дейін берілген жоқ. Естеріңізге түсірсек, жол апаты 2019 жылы отыз бірінші қаңтар күні Өскемен-Шемонаиха тас жолында болған еді. Кешкі сағат жетілердің кезіндегі апатта судья Әсем Болатованың қарсы жолға шығып кеткендігі туралы айтылған. Бізді әлеуметтік желіде оқыңыздар: Youtube -   / @informburo31kanal   Facebook -   / informburo31   Instagram -   / informburo31   Vkontakte - https://vk.com/informburo31 TikTok - www.tiktok.com/@informburo31 WhatsApp Информбюро +7 777 331 31 31 #информбюро #басты_жаңалықтар