Hatme Xhamia Saatit 2025

HATME NË XHAMINË E SAHATIT Dje e diel, më datë 14.12.2025, në Xhaminë e Sahatit në Tetovë, u organizua manifestim solemn me rastin e përfundimit të leximit të plotë të Kur’anit Fisnik – hatme, nga nxënësit e mektebit të kësaj xhamie nën udhëheqjen e mualimëve, Ali ef. Abdullahi dhe hfz. Havzi ef. Ramadani. Në këtë manifestim, krahas prindërve, familjarëve dhe dashamirëve të fjalës së Zotit, të pranishëm ishin edhe operativa e Myftinisë së Tetovës, hoxhallarë të rrethit, etj. Në fjalimin e rastit, Referenti i Myftinisë, Idris ef. Idrizi përgëzoi nxënësit për arritjen dhe përkushtimin e treguar në rrugën e dijes islame, si dhe uroi në emër të Myftiut të Tetovës Dr. Hfz. Selver ef. Xhemaili, nxënësit, mualimin dhe prindërit. Pas programit të përgatitur me përkushtiim, Prof. Dr. Metin ef. Izeti e bëri duanë e hatmes, duke i lutur Allahut për pranimin e përpjekjeve dhe dijes së fituar nga nxënësit. Në vazhdim, u bë shpërndarja e diplomave për nxënësit që përfunduan hatmen si dhe nga një mus'haf dhuratë nga Myftinia, më pas u shpërnda një mirënjohje falënderimi për mualimët për angazhimin e tyre të sinqertë dhe të palodhur. Programin e moderoi referenti i Myftinisë, Mr. Mahmud ef. Emini Zoti i bekoftë këta të rinj me dituri të dobishme dhe vepra të mira dhe mualimin e shpërbleftë me të mirat e Tij në dynja e në ahiret. Një falënderim i veçantë i shkon hoxhallarëve, këshillit të xhamisë dhe të gjithë kontribuuesve që ndihmuan në realizimin e këtij manifestimi të mrekullueshëm.