وعدك وينه | باسم الكربلائي

قصيدة : وعدك وينه بصوت : الحاج باسم الكربلائي للشاعر الأديب : جابر الكاظمي إصدار مشترك : [عشاق الحسين] المقدمة للشاعر الأديب: الشيخ كاظم منظور الكربلائي ■ ماني إختك و أطلبك يا عجيد الراي و أريد العهد منك يـ الگلت يحماي منته الگلِت گومي لكربله وياي ؟ و المحمل بيدك شديته و بكل مجهودك باريته ___________ ماني الگِلِت عندي و بعد أقول النوب و أنا غير الوفه ميلوگـ إلي كل ثوب أنا العباس و أگطع للمنايه دروب و الساع الزود تشوفينه ‏ يا زينب و إنتي تعرفينه ___________ ماني إختك و أطلبك چلمة الخوه و أخبرك بالعطش بعيالك إشسوه هاك إخذ الطفل عطشان يتلوّه و لجودك تتربى عيونه متدارج و تغير لونه ___________ عد عيناچ شنهو الماي أجيب الماي من گلب السمه و أسجي البگه إبرجواي لاچن كون أخبط إدماي وي الماي وشلون المـاي إتشربينه و لكافل خدرچ تنسينه ؟ ___________ ماني إختك وعلمي علم داحي البوب يبو فاضل وأنه أدري بالذي مكتوب لاچن من أشوف الطفل يمي إيلوب أنخاك وگلبي إيحاچيني باليجره إعليك إيدليني ___________ هاچ إخذي يزينب هذا ماي العين و إسجي الطفل منه وبخّي گلب حسين بلا تعليم منتي العالمه وتدرين للباري إعهود إشمنطينه والواجب كون إتأدينه ___________ وعدك وينه وعدك وينه صاحت زينب وعدك وينه ياعباس إنته المسؤول عن هذا الموقف شتگول ___________ يا عباس إنته الكافلنه و إنته الضيغم والصنديد جيت أشرحلك حال عيالك عطشانه و للماي تريد أطفالك ما تگدر تصرخ صارت توميلك بالإيد وهذا الشاطي گبال خيامك لا لتگول الشاطي بعيد لتخلينه لتخلينه بهذا الموقف لا تخلينه تتراجف منك هالجيش صابر عن هالموقف ليش ؟ ___________ كل سا طفله تمر گبالي توگف يمي و تحچي وياي ما أفهم منها شماتحچي و لا أسمع بس چلمه ماي منهو يصبر هاي الطفله حاچيني وباصرني براي تگعد لو تطلع للشاطي بكيفك ظلت يمك هاي يا والينه يا والينه بيدك جودك ياوالينه و إنته العارف و الحساس ظلت يمك يا عباس ___________ ما أشرحلك حال الخدر أشرح بس حال الأطفال طفلين من أطفالك وگفوا يحچون بمدمع همال واحد ينشد من الثاني شتگول إنته بهذا الحال يطلع عمنه الماي يجيبه لو نبگه بجمر الدلال يعلم بينا يعلم بينا شاف الحاله و يعلم بينا خل نطلع يم عمنه نروح و نگله بمدمع مسفوح ___________ خل أدرك حالة أطفالك و أشرحلك حال الرضعان كل سا أسمع واحد يصرخ و أمه تحاچيه بأحزان هاك أرضع من دمعة عيني و حتى المدمع هم خلصان ظلت يم عمك يوليدي بس هوه اليروي العطشان شبحت عينه شبحت عينه  حتى اليرضع شبحت عينه ماعنده لسان يحاجيك بلسان الدمعة يناديك ___________ شال السيف و هاج و أغضب و الراية ترف إعله الراس صارت ضجه ابباب إخيامه وحدة تحذره من الأرجاس وحدة تحب چفوفه تگله لا تتأخر ياعباس وحدة تصيح إرجع يا عمي لا توليك أشرار الناس لو ظلينه لو ظلينه بهاي الحالة لوظلينه منهو يصبرنه بهاليوم منهو اليحرسنه من الگوم