ҚАЗАЛЫ АУДАНЫНЫҢ АБАЙ АУЫЛЫ ГАЗ ЖЕЛІСІНЕ ҚОСЫЛДЫ

Мерейлі мереке қарсаңында Қазалы ауданында нысандар ашылып, Абай ауылына «көгілдір отын» желісі қосылуда. Бұл – расында да, көптен күткен игілік. Қазір Қазалы ауданының газдандыру көрсеткіші 65 пайызға жетті. Бүгінге дейін Қазалы ауданында 600 шақырымнан астам газ құбыры тартылып, 10 763 тұрғын үй мен 350 мекеме-кәсіпорынға қосылды. Елдің дамуы ауылдың гүлденуінен басталады. Ал, ауылдың дамуы, келешегі сіздердің еңбекқорлық пен бірлікке байланысты. Газ қосу рәсімінен кейін аймақ басшысы ауыл тұрғындарымен кездесіп, атқарылған жұмыстар, алдағы бағыт-бағдар туралы айтты. Әсіресе, қолға алынған инфрақұрылымдық жобаларға, әр саладағы жаңашылдықтарға тоқталды, кездесуге келушілердің ой-пікірлерін тыңдады.