ഇന്ത്യയുടെ 500 കിലോമീറ്റർ ഉയരത്തിൽ പാക് ചാര ഉപഗ്രഹം ! വെടിവെച്ചിടാൻ നീക്കം ?

ആഗോള സുരക്ഷാ ക്രമീകരണങ്ങളിലും യുദ്ധതന്ത്രങ്ങളിലും വിപ്ലവാത്മകമായ മാറ്റങ്ങളാണ് സമീപകാലത്തായി സംഭവിച്ചുകൊണ്ടിരിക്കുന്നത്. ഇതിൽ ഏറ്റവും നിർണായകമായത് ഭൂമിയിൽ നിന്നുള്ള പോരാട്ടങ്ങൾ ബഹിരാകാശത്തേക്ക് കൂടി വ്യാപിച്ചിരിക്കുന്നു എന്നതാണ്. ഇന്ത്യയുടെ അയൽരാജ്യവും പരമ്പരാഗത പ്രതിയോഗിയുമായ പാകിസ്താൻ ഭൗമാന്തരീക്ഷത്തിന് 500 കിലോമീറ്റർ മുകളിലായി സ്ഥാപിച്ചിരിക്കുന്ന പുതിയ ഉപഗ്രഹ ശൃംഖല ഇന്ത്യയുടെ സുരക്ഷയ്ക്ക് വലിയ തോതിലുള്ള ഭീഷണിയാണ് ഉയർത്തുന്നത്. പാകിസ്താന്റെ ഭൗമ നിരീക്ഷണ ഉപഗ്രഹമായ പി.ആർ.എസ്.സി. ഇ.ഒ-3 (PRSC EO3) അതിന്റെ സവിശേഷമായ ഭ്രമണപഥം കാരണം കടുത്ത ആശങ്കകൾക്ക് വഴിവെക്കുന്നുണ്ടെന്ന് അമേരിക്കൻ അധിഷ്ഠിത ബഹിരാകാശ നിരീക്ഷണ ഏജൻസിയായ കോംസ്‌പോക് (COMSOC) വെളിപ്പെടുത്തിയിട്ടുണ്ട്. #pakistan #satellite #surveillance #space #india #security #comspoc #technology #defence #orbit #tatwamayinews