തടുക്കാമെങ്കിൽ തടുത്തോളൂ .. വമ്പൻ നേട്ടവുമായി ഭാരതം

ഇന്ത്യൻ പ്രതിരോധ മേഖലയിൽ തദ്ദേശീയമായി അത്യാധുനിക സാങ്കേതികവിദ്യകൾ വികസിപ്പിക്കുന്നതിൽ ഹിന്ദുസ്ഥാൻ എയറോനോട്ടിക്സ് ലിമിറ്റഡും (HAL) ഇന്ത്യൻ നാവികസേനയും പുതിയൊരു നാഴികക്കല്ലിലേക്ക് കടക്കുകയാണ്. വിമാനവാഹിനി കപ്പലുകളിൽ നിന്ന് പൈലറ്റുള്ള യുദ്ധവിമാനങ്ങൾക്കൊപ്പം ചേർന്ന് പ്രവർത്തിക്കാൻ ശേഷിയുള്ള 'നേവി കോംബാറ്റ് എയർ ടീമിംഗ് സിസ്റ്റം' (N-CATS) എന്ന പുതിയ ഡ്രോൺ പദ്ധതിയുമായി ഇവർ മുന്നോട്ട് പോവുകയാണ്. നിലവിൽ എച്ച്.എ.എൽ കരസേനയ്ക്കായി വികസിപ്പിക്കുന്ന പരമ്പരാഗത കാറ്റ്സ് (CATS Warrior) പദ്ധതിയുടെ അടിസ്ഥാനത്തിലാണ് ഇതിന്റെ തുടക്കമെങ്കിലും, പുതുതായി പുറത്തുവന്ന ചിത്രങ്ങളും വിവരങ്ങളും സൂചിപ്പിക്കുന്നത് നാവികസേനയ്ക്കായുള്ള എൻ-കാറ്റ്സ് കേവലം ഒരു പരിഷ്കരിച്ച പതിപ്പല്ല, മറിച്ച് പൂർണ്ണമായും പുത്തൻ രൂപകൽപ്പനയിലുള്ള ഒരു അത്യാധുനിക പ്ലാറ്റ്‌ഫോം ആയിരിക്കും എന്നാണ്. #ncats #indiannavy #halindia #loyalwingman #ucav #stealthdrone #makeinindia #carrieraviation #defenceinnovation #catswarrior #militaryaerospace