Konflikti për pronën merr jetën e dy personave në Peqin - (22 Maj 2003)

Lajme Arkiva - TV Klan 2003 Një konflikt pronësie ka marrë jetën e dy personave në fshatin Çengelaj të Peqinit. Në mbrëmjen e djeshme Ibrahim Bici ka vrarë me armën e tij automatik, Astrit Bullarin 26 vjeç, babai i një fëmije dhe Nezirko Hyka 48 vjeç, nënë e 6 fëmijëve, të dy banorë të fshatit Çengelaj. Autori në fakt ka pasur në shënjestër djalin e viktimës, 29 vjeçarin Ilir Hyka, e ëma ka ndërhyrë për të mbrojtur të birin e është qëlluar nga plumbi. Vëllai i viktimës:- “E mora motrën e çova për ndihmën e shpejtë, na tha doktori që ka vdekur. Ai kishte ardhur këtu në bilardo, kishte thirrur një djalë të vogël, thuaji që të dali filani. Në momentin që del ai ia fut me automatik, pastaj i gjuan dhe motrës time, si përfundim ata vdesin të dy”. Hasmëria zë fill tre vite më parë, për shkak të shitjes së një ngastre toke nga Nezirko Hyka, në afërsi të rrugës nacionale. Ajo ia ka shitur atëherë autorit të krimit kundrejt shumës 4.5 milion lekë. Djemtë nuk kanë qenë dakord për këtë shitje dhe sapo janë kthyer nga Greqia i kanë ofruar shumën e dhënë Ibrahimit në këmbim të tokës së tyre. Çështja më pas ka shkuar në gjykatë, e cila ia njohu pronësinë familjes Hyka. Ky fakt ishte tronditës për Ibrahimin, i cili kishte ngritur një vilë në tokën e blerë. Ndaj ai mendoi ta zgjidhte këtë çështje vetëm me armë. I nisur për të vrarë djalin e shtëpisë që zotëronte pronën, plumbi ka kapur një të pafajshëm Astrit Bullarin. Pasi ka kryer krimin, Ibrahimi ka hedhur armën në një gardh, policia më andej ka arritur të kap autorin, e të nis procedurat ndaj tij./tvklan.al Gazetare – Holta Zhiti SUBSCRIBE to “RTV KLAN” on YouTube for more videos! Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow Tvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/