Komisioni i Disiplinës merr vendimin ndaj Shkumbinit pas incidenteve në Peqin-(2 Nëntor 2005)

Lajme Arkiva 2005 Shkumbini do të luajë tre ndeshjet e radhës të programuara për t’u zhvilluar në Peqin pa spektatorë. Ky është vendimi i marrë nga Komisioni i Disiplinës pranë Federatës Shqiptare të Futbollit për ngjarjet e ndodhura në ndeshjen Shkumbini-Elbasani, të luajtur të shtunën e kaluar. Në këtë takim pati disa anomali, ku spikat fakti që gazetarët nuk u lejuan të zhvillojnë punën normalisht, pati hedhje të sendeve të forta në fushë, por edhe momente tensioni ashtu siç tregojnë pamjet në vijim. Komisioni i Disiplinës i mbledhur të mërkurën ka vendosur që klubi i futbollit Shkumbini për shkak të mos marrjes së masave të mjaftueshme organizative dhe të incidenteve të lehta dhe të verifikuara, por që nuk kanë ndikuar në mbarëvajtjen e takimit, si dhe për shkak të ndalimit të pjesëmarrjes së gazetarëve në ndeshjen Shkumbini-Elbasani dënohet me zhvillimin e tre ndeshjeve pa praninë e spektatorëve. Ndeshja e parë me dyer të mbyllura do të jetë ajo kundër Partizanit dhe do të luhet këtë të shtunë. Klubit i tërhiqet vëmendje për pikat e mëposhtme. Në këto tre ndeshje pa spektatorë media do të ketë aksesin e një ndeshjeje të zakonshme dhe çdo gjë tjetër do të vazhdojë normalisht, duke përfshirë të gjitha masat e sigurisë. Por Komisioni i Disiplinës ka vendosur gjithashtu që trajneri i ekipit të Elbasanit, Ilir Daja për shkelje të etikës sportive dhe protesta ndaj vendimit të arbitrit të dënohet me 10 mijë lekë gjobë. Palët kanë të drejtë të apelojnë vendimin brenda pesë ditëve./tvklan.al Gazetar: Ervin Nikolla SUBSCRIBE to “RTV KLAN” on YouTube for more videos! Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow rtvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/