Тропари воскресные (по непорочных). Хор Сретенского монастыря и академии. +Текст #песнопения #choir

Тропари воскресные (по непорочных). Глас 5. Киевский роспев. Обработка архимандрита Матфея (Мормыля) * * Благословен еси, Господи, научи мя оправданием Твоим. Ангельский собор удивися, зря Тебе в мертвых вменившася, смертную же, Спасе, крепость разоривша, и с Собою Адама воздвигша, и от ада вся свобождша. Благословен еси, Господи, научи мя оправданием Твоим. Почто мира с милостивными слезами, о ученицы, растворяете? Блистаяйся во гробе ангел мироносицам вещаше: видите вы гроб и уразумейте: Спас бо воскресе от гроба Благословен еси, Господи, научи мя оправданием Твоим. Зело рано мироносицы течаху ко гробу Твоему рыдающа, но предста к ним Ангел и рече: рыдания время преста, не плачите, воскресение же апостолом рцыте. Благословен еси, Господи, научи мя оправданием Твоим. Мироносицы жены с миры пришедша ко гробу Твоему, Спасе, рыдаху, ангел же к ним рече, глаголя: что с мертвыми Живаго помышляете? Яко Бог бо, воскресе от гроба. Слава Отцу и Сыну и Святому Духу. Поклонимся Отцу и Его Сынови, и Святому Духу , Святей Троице во едином существе, с серафимы зовуще: свят, свят, свят еси, Господи. И ныне, и присно, и во веки веков. Аминь. Жизнодавца рождши, греха, Дево, Адама избавила еси, радость же Еве в печали место подала еси; падшия же от жизни к сей направи из Тебе воплотивыйся Бог и Человек. Аллилуия, аллилуия, аллилуия, слава Тебе, Боже. #православие * Сретенский монастырь в социальных сетях: Яндекс. Дзен: https://zen.yandex.ru/id/5f14687d49c9... Rutube: https://rutube.ru/channel/24188418/ Telegram: https://t-do.ru/Sretmon ВК: https://vk.com/sretenskymonastery Однокласники: https://ok.ru/group/54502650150989 Flickr: https://www.flickr.com/photos/sretens...