Благословен еси Господи прекрасный распев

Благословен еси, Господи, научи мя оправданием Твоим. Ангельский собор удивися, зря Тебе в мертвых вменившася, смертную же, Спасе, крепость разоривша, и с собою Адама воздвигша и от ада вся свобождша. Благословен еси, Господи, научи мя оправданием Твоим. Почто мира с милостивными слезами, о ученицы растворяете? Блистаяйся во гробе, Ангел мироносицам вещаше:: видите вы гроб и уразумейте: Спас бо воскре от гроба. Благословен еси, Господи, научи мя оправданием Твоим. Зело рано мироносицы течаху ко гробу Твоему рыдающия, но предста к ним Ангел и рече: рыдания время преста, не плачите воскресение же апостолом рцыте. Благословен еси, Господи, научи мя оправданием Твоим. Мироносицы жены, с миры пришедшия ко гробу Твоему Спасе, рыдаху. Ангел же к ним рече, граголя: что с мертвыми живаго помышляете? Яко Бог бо воскресе от гроба. Слава Отцу и Сыну и Святому Духу. Поклонимся Отцу и Его Сынови, и Святому Духу, Святей Троице во едином существе, со серафимы зовуще: свят, свят, свят еси, Господи. И ныне и присно и во веки веков. Аминь. Жизнодавца рождши, греха, Дево, Адама избавила еси. Радоасть же Еве в печали место подала еси; падшия же от жизни к сей направи, из Тебе воплотивыйся Бог и человек Аллилуиа, аллилуиа, аллилуиа, слава Тебе, Боже. Аллилуиа, аллилуиа, аллилуиа, слава Тебе, Боже. Аллилуиа, аллилуиа, аллилуиа, слава Тебе, Боже..#господи#молитва #пресвятаябогородица #православие #церковноепение #христос #бог #псалом #вера #господь #песнопение #монастырь#пасха