✅ХАВДРЫН ОНОШЛОГОО ХИЙХ БОЛОМЖ БҮРДЛЭЭ

✅Эрүүл мэндийн тусламж үйлчилгээний чанар, хүртээмжийг сайжруулах ажлын хүрээнд Багануур дүүргийн Эрүүл мэндийн төвийн эмгэг судлалын лабораторид орон нутгийн хөрөнгө оруулалтаар орчин үеийн автомат эргэдэг микротом, сорох шүүгээ болон сорьц хадгалах архивын шүүгээний иж бүрдлийг ашиглалтад орууллаа. ✅Шинээр нэвтэрсэн Автомат эргэдэг микротом нь эдийн шинжилгээнд ашиглагддаг бөгөөд парафинд бэхжүүлсэн эдийн дээжийг микрометрийн нарийвчлалтайгаар нимгэн зүсмэл болгон бэлтгэх боломжийг олгодог. Автомат удирдлагын системийн тусламжтайгаар зүсэлтийн зузаан, хурдыг нарийн тохируулснаар шинжилгээний чанар, үр дүнгийн нарийвчлал мэдэгдэхүйц сайжрах юм. ✅Энэхүү шинэчлэлтийн үр дүнд хавдар болон бусад эмгэг өөрчлөлтийг эрт илрүүлэх, оношилгооны хугацааг богиносгох, лабораторийн тусламж үйлчилгээний хүртээмжийг нэмэгдүүлэх, эмч, мэргэжилтнүүдийн ажлын ачааллыг бууруулах зэрэг олон талын ач холбогдолтой. ✅Ингэснээр Эрүүл мэндийн төвийн эмгэг судлалын лаборатори нь оношилгооны чанар, стандарт нэмэгдэж, иргэдэд илүү шуурхай, найдвартай үйлчилгээ үзүүлэх боломж бүрдэж байна.