鍾柔美親友見證下行菲律賓式成人禮 18歲生日願望考車牌去旅行

鍾柔美親友見證下行菲律賓式成人禮 18歲生日願望考車牌去旅行 今年12月21號係鍾柔美（Yumi）嘅18歲生日，Yumi家人、好友姚焯菲（Chantel）同張馳豪（Aska）等，聯同一大家米粉們搞咗大型生日派對，提前同Yumi慶祝，Yumi嘅媽咪仲即興帶領全場唱生日歌送畀愛女。 Yumi一身公主裙登場，擁有菲律賓血統嘅佢，亦按傳統接受成人禮儀式，由18位男士輪流向Yumi獻花，同時又吹熄18位女士手中嘅蠟燭，最後一對手持鮮花同蠟燭嘅男女係Aska同Chantel。Yumi指成人禮儀式係好重要嘅習俗，所以當佢進行儀式時心情好緊張，佢又特別感激兩位好友抽空出席。 喺人生中其中一個重要日子，能夠跟家人朋友，以及愛戴自己嘅米粉一齊度過，Yumi以歌聲答謝大家，仲喺台上唱到台下同米粉互動，Yumi生日願望除咗每年嘅希望大家身體健康，踏入18歲最想做係考車牌，仲有自己去旅行。Yumi分享一件趣事，喺佢六歲時家人幫佢買六合彩，中咗二獎，兼且達成願望擁有自己嘅琴。 Chantel跟Yumi老友鬼鬼，自爆曾同Yumi做咗一件唔乖嘅事，就係有次同Yumi排舞，當佢哋話去廁所時，其實係走咗去天台影相，而呢件事令佢印象難忘。Chantel透露將會留港工作，再等各間大學嘅收生消息，之後再決定升讀邊間大學。 #鍾柔美 #18歲 #生日會 #菲律賓血統 #傳統 #成人禮 #姚焯菲 #張馳豪 #生日願望 #考車牌 #旅行 #六合彩 #中二獎 #TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞 即刻Follow TVB 娛樂新聞台 Facebook專頁   / tvbenews   登入myTV SUPER享受睇TVB自製節目7日包括娛樂新聞的免費點播 https://bit.ly/2TXLlM0